នគរបាលខណ្ឌទួលគោកបានធ្វើការបង្រ្កាបឃាត់ខ្លួនជនសង្ស័យម្នាក់ ករណីអំពើលួចមានស្ថានទម្ងន់ទោស (ឆក់ទូរស័ព្ទដៃ០១គ្រឿង)

នគរបាលខណ្ឌទួលគោកបានធ្វើការបង្រ្កាបឃាត់ខ្លួនជនសង្ស័យម្នាក់ ករណីអំពើលួចមានស្ថានទម្ងន់ទោស (ឆក់ទូរស័ព្ទដៃ០១គ្រឿង)

(ភ្នំពេញ ) : កាលពីថ្ងៃទី ០១ខែតុលាឆ្នាំ២០២៣ វេលាម៉ោង ១៤.០០ នាទី សមត្ថកិច្ចប៉ុស្តិ៍នគរបាលរដ្ឋបាលសង្កាត់ទឹកល្អក់៣ និងកម្លាំងជំនាញអធិការដ្ឋាននគរបាលខណ្ឌទួលគោក បានធ្វើការបង្រ្កាបជាក់ស្តែង ពាក់ព័ន្ធនឹងករណី អំពើលួចមានស្ថានទម្ងន់ទោស (ឆក់ទូរស័ព្ទដៃ០១គ្រឿង) នៅចំណុចផ្លូវលេខ២៦១ កែងផ្លូវលេខ២៣០ ក្រុមទី១៧ ភូមិ៧ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ ។
ជនសង្ស័យឈ្មោះ គឹម ប្រុសពៅ ហៅពៅ ភេទប្រុស អាយុ១៧ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះលេខ៦៥E0 ផ្លូវលេខ១៤៦ ភូមិ៧ សង្កាត់ផ្សារដេប៉ូទី២ ខណ្ឌទួលគោក រាជធានីភ្នំពេញ។ (មានសារធាតុញៀន)
+វត្ថុតាងចាប់យក៖
-ម៉ូតូ០១គ្រឿងម៉ាកHonda Dream C125 ពណ៌ខ្មៅ ពាក់ស្លាកលេខ ភ្នំពេញ 1IC-0329 (មធ្យោយបាយធ្វើសកម្មភាព)
-ទូរស័ព្ទដៃ០១គ្រឿងម៉ាក redmi ពណ៌ប្រផេះ(ចាប់យកពីជនសង្ស័យ)បានប្រគល់ជូនជនរងគ្រោះវិញ។
ជនរងគ្រោះឈ្មោះ Seah Kuan wai Maverick ភេទប្រុស អាយុ៥៣ ឆ្នាំ ជនជាតិសិង្ហបុរី មុខរបរ ពាណិជ្ជករ ស្នាក់នៅបច្ចុប្បន្នអគារ Fairfield by Marriott Phnom Penh ផ្លូវសហព័ន្ធរុស្សី សង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ ។
បច្ចុប្បន្ន: ជនសង្ស័យខាងលើ កំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោក ដើម្បីធ្វើការសាកសួរនិងចាត់ការបន្តតាមនីតិវិធី ។