ត្បូងឃ្មុំ៖ជាច្រើនឆ្នាំមកហើយ រដ្ឋាភិបាលកម្ពុជាតែងផ្សព្វផ្សាយអំពីគោលការណ៍ភូមិ ឃុំមានសុវត្ថិភាពចំនួន៩ចំណុច ដែលក្នុងនោះ ក៏មានការលុបបំបាត់ចោលល្បែងស៊ីសងគ្រប់ប្រភេទដើម្បីរក្សាសន្តិសុខនៅតាមតំបន់។ក៏ប៉ុន្តែបច្ចុប្បន្នប្រជាពលរដ្ឋ នៅខេត្តព្រះវិហារអះអាងថា ល្បែងស៊ីសងជាច្រើនប្រភេទដូចជាប្រជល់មាន់ដាក់ប្រាក់ និងអាប៉ោងជាដើម កំពុងកើតមានពេញបន្ទុក ដោយមិនមានការបង្ក្រាបឡើយ។ពលរដ្ឋមួយចំនួនក្នុងស្រុកមេមត់ខេត្តត្បូងឃ្មុំមានការមិនសប្បាយចិត្ត ចំពោះល្បែងស៊ីសង ដែលកើតមានជាច្រើនកន្លែង ដោយធ្វើឱ្យប៉ះពាល់ដល់សេដ្ឋកិច្ច និងជីវភាពគ្រួសាររបស់ប្រជាពលរដ្ឋខ្លះ ដែលកំពុងតែក្រីក្រស្រាប់ ឱ្យធ្លាក់ចុះមួយកម្រិតថែមទៀតនោះ។ក្រុមអ្នកភូមិអំពាវនាវ ឱ្យអាជ្ញាធរខេត្តត្បូងឃ្មុំត្រូវតែបង្ក្រាបល្បែងស៊ីសងទាំងនោះ ឱ្យអស់ដើម្បីកុំឱ្យមាននៅតាមភូមិឃុំ តទៅទៀត។ប្រជាពលរដ្ឋម្នាក់រស់នៅស្រុកមេមត់ខេត្តត្បូងឃ្មុំ ដែលសុំមិនបញ្ចេញឈ្មោះ។គាត់មានប្រសាសន៍ថា ជារៀងរាល់ថ្ងៃ ស្ថិតនៅចំណុចច្រកដូង៧ដើម ស្ថិតក្នុងភូមិដាឃុំដាស្រុកមេមត់ខេត្តត្បូងឃ្មុំគឺមេល្បែងស៊ីសងឈ្មោះហេងនិងលឹមបានបើកជល់មាន់យូគីនិងចាក់អាប៉ោង ដោយមិនមានអាជ្ញាធរ និងសមត្ថកិច្ចណាចេញមុខបង្ក្រាបទេ។ ប្រភពដដែលបញ្ជាក់ថា សព្វថ្ងៃមានអ្នកភូមិជាច្រើន ឈ្លក់វង្វេងនឹងការចំណាយប្រាក់ជល់មាន់យូគីនិងចាក់អាប៉ោងនិងគ្រឿងញៀន ដោយមិនហ៊ានយកលុយទៅទិញម្ហូប ឬក៏ទិញរបស់របរប្រើប្រាស់ទេ។ ការឈ្លក់វង្វេងនិងការចាក់កន្ទុយលេខនេះ ធ្វើឱ្យគ្រួសារខ្លះ កើតរឿងឈ្លោះប្រកែកគ្នា និងខ្លះទៀតត្រូវជំពាក់បំណុលធានាគារ៖ «ឥឡូវមេច្រើនណាស់! ក្នុងខេត្តនេះ»។ តាមមើលប្រហែលជាបង់ឱ្យសមត្ថកិច្ចខ្លះ បានជាឡើងកក្រើកបែបនេះ»។ប្រជាពលរដ្ឋឱ្យដឹងថា បច្ចុប្បន្នល្បែងជល់មាន់យូគីនិងចាក់អាប៉ោង ស្ថិតនៅចំណុចច្រកដូង៧ដើម ស្ថិតក្នុងភូមិដាឃុំដាស្រុកមេមត់ខេត្តត្បូងឃ្មុំកើតពេញបន្ទុកតែម្តង។ទោះយ៉ាងណាសារពត៌មានយើង មិនអាចទាក់ទង អភិបាលខេត្តត្បូឃ្មុំលោកជាមច័ន្ទសោភ័ណ្ឌ ដើម្បីសុំប្រតិកម្ម ជុំវិញរឿងនេះបានថាយ៉ាងណានៅឡើយ។ចំណែកអភិបាលស្រុកមេមត់ក៏មិនអាចសុំអធិប្បាយរឿងនេះទេ។
បច្ចុប្បន្នល្បែងជល់មាន់យូគីនិងចាក់អាប៉ោងកំពុងកើនឡើងនៅខេត្តត្បូងឃ្មុំភ្នាល់ប្រាក់វាល់លាន គឺវាកំពុងប្រាស់ចាកពីគោលការណ៍ភូមិ ឃុំមានសុវត្ថិភាព របស់រដ្ឋាភិបាល៩ចំណុច ដែលចេញគោលការណ៍មកឱ្យបំបាត់ល្បែងស៊ីសង នៅតាមជនបទ នៅតាមភូមិ ឃុំដើម្បីកុំឱ្យមានចោរលួច ចោរឆក់។ប្លន់។ល្បែងស៊ីសងត្រូវបានគេចាត់ទុកថាជាបទល្មើសមួយដែលមានការព្រួយបារម្ភពីបញ្ហាសន្តិសុខសុវត្តិភាព ដោយសារតែល្បែងជាដើមចមនៃអំពើ លួច ឆក់ ប្លន់ និងកាប់សម្លាប់ជាដើម។សម្តេចក្រឡាហោមសខេងឧបនាយករដ្ឋមន្រ្តីរដ្ឋមន្រ្តីក្រសួងមហាផ្ទៃបានដាស់តឿនក្រើនរំឭកថាមានមតិពីប្រជាពលរដ្ឋស្ទើរតែគ្រប់ទីកន្លែងអំពីសមត្ថកិច្ចមិនព្រមបង្ក្រាបល្បែងស៊ីសងគ្រប់ប្រភេទជាថ្នូរនឹងការដាក់ខែយកប្រាក់ពីអ្នកបើកល្បែង។ដូច្នេះត្រូវពង្រឹងក្នុងការបង្ក្រាបឡើងវិញចៀសវាងការរិះគន់នានា។រដ្ឋមន្រ្តីក្រសួងមហាផ្ទៃ បានថ្លែងក្នុងពិធីប្រកាសចូលកាន់មុខតំណែងអភិបាលខេត្តត្បូងឃ្មុំថ្មី នាព្រឹកថ្ងៃទី១៥ ខែវិច្ឆិកា ឆ្នាំ២០១៨ថាល្បែងស៊ីសងគ្រប់ប្រភេទសុទ្ធតែស្ថិតនៅក្នុងគោលនយោបាយភូមិ-ឃុំមានសុវត្ថិភាព។សម្តេចបន្តថា “ល្បែងស៊ីសងនេះ មានអ្នកតិះតៀនយើងថា អូ…សមត្ថកិច្ចនេះ ដេកលក់អស់ហើយ សមត្ថកិច្ចបានប្រាក់ដាក់ខែ មិនព្រមបង្ក្រាបមុន ដូចជាល្បែងជល់មាន់ អាប៉ោង និងល្បែងអីផ្សេងទៀតជាហូរហែ”។រដ្ឋមន្រ្តីក្រសួងមហាផ្ទៃបន្ថែមថា ដូច្នេះកុំមានការរិះគន់បន្តទៀត ត្រូវរួមគ្នាបង្ក្រាប ដើម្បីឲ្យដូចទៅនឹងគោលនយោបាយភូមិ-ឃុំ មានសុវត្ថិភាព៕
More Stories
លោក សុំ សុវណ្ណារិទ្ធ មេគយខេត្តព្រះសីហនុ កំពុងត្រូវប៉ាន់ជាមួយទំនិញ គេចពន្ធដែលនាំចូលជាចំហ
អុញនោះបែកធ្លាយ ! ប្រធានស្ថានីយ៍ជញ្ជីងថ្លឹងរថយន្តផ្លូវជាតិលេខ៦Aចំណុចថ្នល់កែង ស្រុកបាធាយ ខេត្តកំពង់ចាម ដែលថ្នាក់លើដាក់ឱ្យមើលសុវត្ថិភាពផ្លូវ បែរជាពង្រីកបក្ខពួកប្រមូលលុយពីរថយន្ដធុនធំដឹកលើសទម្ងន់ទៅវិញ
អត់អីផាកមែន ទើបមកផាក គោយន្តក្នុងវាលស្រែ