បទល្មើស

នារីវ័យក្មេងត្រូវគេសម្លាប់នៅបន្ទប់ជួលហេីយយកសម្ភារះមានតំម្លៃអស់

ភ្នំពេញ ៖ ការស្លាប់របស់នារីម្នាក់ ទើបតែដឹងដល់អ្នកជិតខាង បន្ទាប់ពីសាយភាយក្លិនស្អុយ ចេញពីក្នុងបន្ទប់ បង្កការភ្ញាក់ផ្អើល កាលពីវេលាម៉ោង១០និង២០យប់ ថ្ងៃទី២៧ ខែ វិច្ឆិកា ឆ្នាំ២០១៩ នៅចំណុចផ្ទះជួលមួយកន្លែង ភូមិដូង សង្កាត់អូរបែកក្អម ខណ្ឌសែនសុខរាជធានីភ្នំពេញ ។

នារីរងគ្រោះមានឈ្មោះ សឿន ស្រីដា អាយុ២១ឆ្នាំ ជាកម្មការនីរោងចក្រ ស្នាក់នៅបន្ទប់ជួល កន្លែងកេីតហេតុ មានស្រុកកំណើត ស្រុកត្បូងឃ្មុំ ខេត្តត្បូងឃ្មុំ ។

តាមសម្ដីអ្នកស្គាល់នារីរងគ្រោះនិយាយថា ដោយសារប្រធានក្រុមរោងចក្របានសាកសួរ បាត់នារីរងគ្រោះមិនឃើញមកធ្វើការ៣ថ្ងៃហើយ ទើបឆ្ងល់មករកនៅបន្ទប់ ក៏ធំក្លិនស្អុយ រួចនាំគ្នាកាត់សោរពីខាងក្រៅ ចូលទៅមើល ឃើញសាកសព ក្នុងសភាពហើមស្អុយទៅហើយ ។ជនរងគ្រោះ មកស្នាក់នៅទីនេះ ជាងកន្លះឆ្នាំមកហេីយ ដោយស្នាក់នៅម្នាក់ឯង ។

ក្រោយពេលពីសមត្ថកិច្ចជំនាញ និងគ្រូពេទ្យកោសល្យវិច័យ ធ្វើការត្រួតពិនិត្យលើសាកសព និងពិនិត្យនៅកន្លែងកើតហេតុរួចបានសន្និដ្ឋានបឋមថា ជាករណីឃាដកម្ម ដោយស្មាមរឹតក និងលួចយកសម្ភារៈមានតម្លៃ ហេីយចាក់សោរបង្ខាំងទុកពីខាងក្រៅ ៕