លោកឧត្តមសេនីយ៍ទោ សម្បត្តិ សុធារដ្ឋ ស្នងការនគរបាលខេត្តកែប ប្រគល់ថវិកាឧបត្ថម្ភគោលនយោបាយ ជូនដល់មន្ត្រីនគរបាលចូលនិវត្តន៍

លោកឧត្តមសេនីយ៍ទោ សម្បត្តិ សុធារដ្ឋ
ស្នងការនគរបាលខេត្តកែប ប្រគល់ថវិកាឧបត្ថម្ភគោលនយោបាយ ជូនដល់មន្ត្រីនគរបាលចូលនិវត្តន៍

ខេត្តកែប ៖ នៅព្រឹកថ្ងៃចន្ទ ៧រោច ខែអស្សុជ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៧ ខែតុលា ឆ្នាំ២០២២ ស្នងការដ្ឋាននគរបាលខេត្តកែប បានធ្វើពិធីប្រគល់ថវិកា ឧបត្ថម្ភគោលនយោបាយ ជូនដល់មន្ត្រីនគរបាលខេត្តចូលនិវត្តន៍។

ក្រោមអធិបតីភាព លោកឧត្តមសេនីយ៍ទោ សម្បត្តិ សុធារដ្ឋ ស្នងការនគរបាលខេត្តកែប ដោយមានការអញ្ជើញចូលរួមពីលោកឧត្តមសេនីយ៍ត្រី ស្នងការរង ប្រធានផែនការងារធនធានមនុស្ស លោកនាយ នាយរងការិយាល័យបុគ្គលិក នាយ នាយរងផ្នែកពាក់ព័ន្ធ និងមន្ត្រីនគរបាលចូលនិវត្តន៍។

ក្នុងនោះដែរថវិកាដែលត្រូវបើកផ្តល់ជូនមន្ត្រីនគរបាលចូលនិវត្តន៍ ចំនួន៧នាក់ សរុបថវិកា ចំនួន៦២,៥៦០,០០០រៀល ។

ឱកាសនោះដែរលោកឧត្តមសេនីយ៍ទោ ស្នងការនគរបាលខេត្ត បានសំណេះសំណាល សួរសុខទុក្ខ ជាមួយមន្ត្រីនគរបាលចូលនិវត្តន៍ និងបានពាំនាំនូវការផ្តាំផ្ញើសាកសួរសុខទុក្ខ ពីសំណាក់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានកិត្តិយសសមាគមមិត្តនគរបាលជាតិកម្ពុជា និងឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងជាប្រធានគណៈកម្មាធិការកណ្តាល សមាគមមិត្តនគរបាលជាតិកម្ពុជា ផងដែរ ៕