លោកឧកញ៉ា អ៊ុច សម្បត្តិ ជាប្រធានសមាគមអ្នកប្រឹក្សាយោបល់គ្រឿងសម្អាង(ហៅកាត់ថាCCA)ផ្ញើរសារចូលរួមរំលែកទុក្ខ ឯកឧត្តម ប៊ុន ហុន រដ្ឋលេខាធិការ នៃក្រសួងមហាផ្ទៃ

ភ្នំពេញ)៖ ព្រឹកថ្ងៃទី០២ ខែតុលា ឆ្នាំ២០១៩នេះ បើយោងតាមសេចក្តីជូនដំណឹងផេកផ្លូវការរបស់សមាគមអ្នកប្រឹក្សាយោបល់គ្រឿងសម្អាង (ហៅកាត់CCA) បានឲ្យដឹងថា ឧបាសិកា លីម ម៉េងហូយ ត្រូវជាម្ដាយបង្កើតរបស់ឯកឧត្តម ប៊ុន ហុន រដ្ឋលេខាធិការនៃក្រសួងមហាផ្ទៃបានទទួលមរណភាពដោយជរាពាធ កាលពីថ្ងៃអង្គារ ៣កើត ខែ អស្សុជ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី០១ ខែតុលា ឆ្នាំ២០១៩វេលាម៉ោង១២ និង ៣៥នាទី ថ្ងៃត្រង់ដោយជរាពាធ។

ក្នុងសេចក្តីជូនដំណឹងនេះ ថ្នាក់ដឹកនាំ សមាជិក-សមាជិកា និងបុគ្គលិកសមាគមអ្នកប្រឹក្សាយោបល់គ្រឿងសម្អាង(ហៅកាត់ថាCCA)បានសម្តែងក្តីសោកស្តាយក្តុកក្តួល ក្រៀមក្រំ ជាទីបំផុត ដែលឧបាសិកា លីម ម៉េងហូយ បានទទួលមរណភាពនាពេលនេះ។

កម្មវិធីបុណ្យនឹងប្រព្រឹត្តទៅនៅផ្ទះលេខៈ១៩ ផ្លូវលេខៈ០៤ ក្នុងបុរីអង្គរភ្នំពេញ(គម្រោងទី២)ដែលស្ថិតនៅភូមិ បន្លាស្អិត សង្កាត់ឃ្មូញ ខណ្ឌសែនសុខ រាជធានីភ្នំពេញ។ សេចក្តីជូនដំណឹងខាងលើនេះ ចាត់ទុកជាការអញ្ជើញ ញាតិមិត្តជិតឆ្ងាយ ព្រមទាំងក្រសួង ស្ថាប័នរដ្ឋនានា អញ្ជើញចូលរួមពិធីបុណ្យសពតាមការគួរ៕