ខេត្តបាត់ដំបង ៖ ស្នងការដ្ឋាននគរបាលខេត្តបាត់ដំបង នាព្រឹកថ្ងៃថ្ងៃទី០៤ ខែមីនា ឆ្នាំ ២០១៩ បានរៀបចំពិធីប្រកាសផ្ទេរភារកិច្ច តែងតាំងមុខតំណែង និងបំពាក់ឋាន្តរស័ក្តិ ជូនដល់មន្ត្រីនគរបាលជាតិ នៅស្នងការដ្ឋាននគរបាលខេត្តបាត់ដំបង ក្រោមវត្តមានឧត្តមសេនីយ៍ឯក ហុក ថាវណ្ណ អនុប្រធាននាយកដ្ឋានបុគ្គលិក តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ។
អញ្ជើញចូលរួមក្នុងពិធីនេះមាន លោក ប៊ុត គឹមស៊ាន អភិបាលរង នៃគណៈអភិបាលខេត្តបាត់ដំបង លោក លោកស្រី ជាប្រតិភូអមដំណើរ លោក ប្រធានសាលាដំបងខេត្តបាត់ដំបង, លោកព្រះរាជអាជ្ញាអមសាលាដំបូងខេត្តបាត់ដំបង លោក-លោកស្រី ស្នងការ-ស្នងការរង នៃស្នងការដ្ឋាននគរបាលខេត្តបាត់ដំបង, លោក មេបញ្ជាការរងតំបន់ប្រតិបត្តការសឹករងខេត្តបាត់ដំបង, លោកមេបញ្ជាការរងមូលដ្ឋានកងរាជអាវុធហត្ថខេត្តបាត់ដំបង លោក អនុប្រធានពន្ធនាគារខេត្តបាត់ដំបង លោក-លោកស្រី អភិបាលក្រុង-ស្រុក ពាក់ពន្ធ័ក្នុងខេត្ត លោក-លោកស្រី ប្រធាន-អនុប្រធានផែន នាយ-នាយរង ការិយាល័យជំនាញ មេបញ្ជាការ មេបញ្ជាការរង វរសេនាតូចនគរបាលការពារព្រំដែនគោក អធិការ-អធិការរងនគរបាលក្រុង-ស្រុក និងមន្ត្រីចំណុះស្នងការដ្ឋាននគរបាលខេត្តបាត់ដំបងចំនួន២៤០នាក់។
ឧត្តមសេនីយ៍ទោ អ៊ុច សុខុន ស្នងការ នៃស្នងការដ្ឋាននគរបាលខេត្តបាត់ដំបង បានអានរបាយការណ៍ស្វាគមន៍ក្នុងអង្គពិធី និងលោកវរសេនីយ៍ឯក សេង ភឿន នាយរងការិយាល័យបុគ្គលិករាជធានី ខេត្ត នៃនាយកដ្ឋានបុគ្គលិក អគ្គស្នងការដ្ឋាននគរបាលជាតិ បានអានប្រកាសរបស់ ក្រសួងមហាផ្ទៃ និងសេចក្តីសម្រេចរបស់អគ្គស្នងការនគរបាលជាតិ ស្តីពីការប្រកាសផ្ទេរភារកិច្ច តែងតាំង មុខតំណែង តម្លើងឋានន្តរ ស័ក្តិជូនមន្ត្រីនគរបាលជាតិ មានដូចខាងក្រោម ៖ ផ្ទេរភារកិច្ច និងតែងតាំងមុខតំណែងចំនួន ៥១នាក់ ស្រី០៣នាក់ (ក្នុងនោះបំពាក់ឋានន្តរស័ក្តិ ១១នាក់) , ថ្នាក់ស្នងការរង ចំនួន១២នាក់ , ថ្នាក់នាយការិយាល័យចំនួន០៧នាក់, ថ្នាក់នាយរងការិយាល័យចំនួន០៧នាក់ , ថ្នាក់អធិការចំនួន០៣នាក់ , ថ្នាក់អធិការរងចំនួន០៦នាក់ , ថ្នាក់មេបញ្ជាការរងវរៈចំនួន០២នាក់ និងបំពាក់ឋានន្តរស័ក្តិ ថ្នាក់វរសេនីយ៍ទោ ចំនួន ១៣ នាក់ ក្នុងនោះស្រី០១នាក់៖ ថ្នាក់វរសេនីយ៍ត្រីចំនួន១៣នាក់ , ថ្នាក់អនុសេនីយ៍ឯកចំនួន០២នាក់ និងថ្នាក់អនុសេនីយ៍ទោចំនួន០១នាក់។
ឧត្តមសេនីយ៍ឯក ហុក ថាវណ្ណ អនុប្រធាននាយកដ្ឋានបុគ្គលិក តំណាងដ៏ខ្ពង់ខ្ពស់នាយឧត្តមសេនីយ៍ សន្តិបណ្ឌិត នេតសាវឿន អគ្គស្នងការដ្ឋាននគរបាលជាតិ បានផ្តាំផ្ញើដល់មន្ត្រីនគរបាលជាតិ ដែលទើបទទួលបានការផ្ទេរភារកិច្ច តែងតាំងមុខតំណែង និងបំពាក់ឋានន្តរស័ក្តិ ត្រូវខិតខំយកចិត្តទុក្ខដាក់បំពេញការងារ ជូនប្រជាពលរដ្ឋបំរើរដ្ឋាភិបាល និងគោរពវិន័យផ្ទៃក្នុង របស់កងកម្លាំងនគរបាលជាតិឲ្យបានល្អប្រសើរ៕
More Stories
សម្តេចមហាបវរធិបតី ហ៊ុន ម៉ាណែត អនុញ្ញាតឱ្យគណៈប្រតិភូសមាគមឧស្សាហកម្មថ្នាំជក់កម្ពុជា ជួបសម្តែងការគួរសម និងពិភាក្សាការងារ
គ្រោះថ្នាក់ចរាចរណ៍តិចតួចសោះបែរជាប្រកែកគ្នារាប់ម៉ោងបានត្រូវគ្នា
សម្តេចតេជោ ហ៊ុន សែន អញ្ជើញជួបសំណេះសំណាល និងពិសាបាយសាមគ្គីជាមួយសមាជិកគណបក្សថ្មី អតីតមន្ត្រីថ្នាក់ដឹកនាំ ថ្នាក់រាជធានី ខេត្ត ក្រុង ស្រុក ខណ្ឌ នៃគណបក្សនយោបាយនានា ជាង២ពាន់នាក់