បទល្មើសនេសាទនៅតំបន់បឹងទន្លេសាបក្នុងខេត្តពោធិសាត់ក្រោមដែនសមត្ថកិច្ចរបស់លោកភុនវណ្ណានាយផ្នែករដ្ឋបាលជលផលត្រួត៣ស្រុកក្នុងខេត្តពោធិសាត់នៅតែបង្កវិនាសកម្មពាសពេញផ្ទៃទឹក ក្នុងបឹងទន្លេសាប ។ ប្រជានេសាទរាយការណ៍មកថា មន្ត្រីរដ្ឋបាលជលផលតាមបណ្តាស្រុក ដូចជាឈ្មោះហុកម៉េងអាននាយសង្កាត់រដ្ឋបាលជលផលក្រគរ,លោកភេមសុខុននាយសង្កាត់រដ្ឋបាលជលផលកណ្តៀងនិងនាយសង្កាត់ស្រុកបាកានលឹមសុក្រិតជាពិសេសនោះលោកភុនវណ្ណាបាននិងកំពុងបើកដៃនិងឃុបឃិតជាមួយពពួកប្រព្រឹត្តបទល្មើសនេសាទដាក់របាំងបរសាច់ស្បៃមុងអូសអ៊ួនយាំងកាវកើតមានយ៉ាងគគ្រឹកគគ្រេងដែលមានមេខ្លោងបំផ្លាញមច្ឆជាតិឈ្មោះឌីណានិងបរិវារ។ឈ្មោះឌីណានេះយកលុយញ៉ុកមាត់មន្រ្តីជំនាញ។ហើយមន្រ្តីដែលរៀបរាប់ខាងលើនេះមិនដែលខ្វល់ថា ត្រូវបង្ក្រាបបទល្មើសនេសាទនោះទេ ។ស្រុកក្រគរកណ្តៀងនិងបាកានក្នុងខេត្តពោធិសាត់ជាបទល្មើសដែលកើតច្រើនជាងគេ។ បច្ចុប្បន្ននេះ បទល្មើសនៅតំបន់បឹងទន្លេសាប បានកំពុងកើតមាន យ៉ាងខ្លាំងក្លា ដែលពួកអ្នកនេសាទល្មើសសុទ្ធតែបង់ប្រាក់ឲ្យកូនចៅ លោក លោកភុនវណ្ណា។ដល់ពេលពួកមន្ត្រីជលផលរាយការណ៍ជូនថ្នាក់លើថា គ្មានបទល្មើសទេ ពីព្រោះមិនសម្បូរត្រី(Sic)។ប៉ុន្តែការពិតគឺពួកមន្ត្រីជលផលទាំងនេះ ជាអ្នកបួញមាត់បត់ដុំដៃឲ្យពួកឈ្មួញប្រព្រឹត្តបទល្មើសដោយបង់លុយឲ្យពួកគេក្នុងមួយរដូវរាប់ពានរាប់ម៉ឺនដុល្លារ។ពាក់ព័ន្ធការឃុបឃិតជាប្រព័ន្ធបំផ្លាញមច្ឆជាតិសារពត៌មានយើងបានទាក់ទៅលោកភុនវណ្ណានាយផ្នែករដ្ឋបាលជលផលត្រួត៣ស្រុកកាលពីថៃ្ង៩ខែវិច្ឆកាឆ្នាំ២០១៩នេះដោយឆ្លើយថាលោកមិនបានដឹងទេលោកនឹងចុះមើល!។ក្នុងនោះបានខ្សឹបបន្តទៀតថាទោះប្រធានមន្ទីរកសិកម្មក៍ដូចជាអភិបាលខេត្តពោធិសាត់មិនដែលខ្វល់ខ្វាយរឿងបញ្ហាបទល្មើសនេសាទនេះដែរគឺផ្តល់លទ្ធភាពឲ្យក្រុមលោកភុនវណ្ណាជិះសេះលែងដៃគិតតែប្រយោជន៍ផ្ទាល់ខ្លួនតែប៉ុណ្ណោះ៕ដោយ៖ពុតសាម៉ាត់
More Stories
គ្រោះថ្នាក់ចរាចរណ៍ បង្កចេញជាអំពើហិង្សាលើខ្នងភ្នំគីរីរម្យ ផ្សាយតាមបណ្ដាញសង្គមថាករណីហឹង្សាដេញកាប់គ្នាលើខ្នងភ្នំគីរីរម្យ
ទីតាំងល្បែង(ហ្គេមបាញ់ត្រី)ខុសច្បាប់ យីហោ(ប៉អៅ)នៅជិតស្តុបស្ពានអាកាសដីហុយ មួយកន្លែងក្នុងទឹកដី សង្កាត់អូរបែកក្អម ខណ្ឌសែនសុខ បើកដំណើរកាវិញហើយ
ជនសង្ស័យចំនួន០២នាក់ ពាក់ព័ន្ធករណីលួចទ្រព្យសម្បត្តិ និងទទួលផលចោរកម្ម ត្រូវបានកម្លាំងអធិការដ្ឋាននគរបាលខណ្ឌច្បារអំពៅ ស្រាវជ្រាវឃាត់ខ្លួន