ជប៉ុន ចុះហត្ថលេខាផ្ដល់នាវាល្បាត និងឧបករណ៍បញ្ជូនសារ ដល់វិស័យការពារជាតិកម្ពុជា
ភ្នំពេញ៖ នៅថ្ងៃទី១៩ ខែកក្កដា លោកឧបនាយករដ្ឋមន្ត្រី ទៀ សីហា រដ្ឋមន្ត្រីក្រសួងការពារជាតិ និងលោកឯកអគ្គរាជទូត អ៊ូអិណុ អាត់ស៊ូស៊ី បានចុះហត្ថលេខា និងផ្លាស់ប្តូរលើលិខិតប្ដូរសារ ស្តីពីជំនួយសន្តិសុខផ្លូវការ （OSA） ដែលមានទឹកប្រាក់ចំនួន ៥០០លានយ៉េន ស្មេីប្រមាណ ៣លានដុល្លារ។
បេីតាមស្ថានទូតនៅកម្ពុជា គម្រោងនេះ នឹងផ្តល់នូវឧបករណ៍បញ្ជូនសារ ទៅកាន់កងទ័ពជើងគោក និងនាវាល្បាត ទៅកាន់ កងទ័ពជើងទឹកនៃកងយោធពលខេមរភូមិន្ទ។
«យើងរំពឹងថា គម្រោងនេះនឹងលើកកម្ពស់សមត្ថភាពសន្តិសុខ និងសមត្ថភាពរារាំងរបស់កម្ពុជា និងរួមចំណែកដល់សន្តិភាព និងស្ថិរភាព នៅក្នុងសហគមន៍អន្តរជាតិ។»។ ស្ថានទូតជប៉ុន បញ្ជាក់ដូច្នេះ។ 
