ភ្នំពេញ ៖នៅព្រឹកថ្ងៃទី ៦ វិច្ឆិកា ២០១៩ វេលាម៉ោង៩ព្រឹក កំលាំងប៉ុស្តិ៍នគរបាលចោមចៅទីបីបានសហការជាមួយខាងសាលាសង្កាត់ចោមចៅទីបី បានចុះទៅបង្ក្រាបក្រុមប្រើប្រាស់សារធាតុញៀន និងដើរអុកឡុកលួចទ្រព្យសម្បត្តិរបស់ប្រជាពលរដ្ឋ នៅពេលរាត្រី ក្រោយទទួលបានព័ត៍មានរាយការណ៍ ពីប្រជាពលរដ្ធ នៅក្នុងមូលដ្ឋាន មកកាន់ផេកអធិការដ្ឋាននគរបាលខណ្ឌពោធិ៍សែនជ័យ ថាមានក្រុមជនខិលខូច មួយក្រុម បានបោះតង់សង់ខ្ទម នៅដីឡូត៍ទុកចោល ដែលជាជម្រកលាក់ខ្លួនរបស់ក្រុមនេះលួចប្រើប្រាស់សារធាតុញៀន និងនៅពេលយប់ក្រុមនេះគឺចេញធ្វើសកម្មភាពដើរលួចទ្រព្យសម្បត្តិរបស់ប្រជាពលរដ្ឋ ។

ចំពោះករណីនេះជាហេតុធ្វើអោយប្រជាពលរដ្ធ រស់នៅតំបន់នោះ?មានទុក្ខកង្វល់និងព្រួយបារម្ភជាទីបំផុត ទើបលោកយឹម សារ៉ាន់អធិការខណ្ឌពោធ៌សែនជ័យ បានបញ្ជារអោយលោកមេប៉ុស្តិ៍ចោមចៅទីបី សហការជាមួយសាលាសង្កាត់ចុះទៅទីតាំងខាងលើ ដោយជាក់ស្តែង ឃាត់បានខ្លួនជនសង្ស័យប្រុសស្រីចំនួន៤នាក់ រួមនិងឧបករណ៍ប្រើប្រាស់សារធាតុញៀមួយ

ចំនួនទៀត ។ជនសង្ស័យទី១មានឈ្មោះសុង សីហា ភេទប្រុសអាយុ៣៧ឆ្នាំ មុខរបរមិនពិត និងទីលំនៅមិនពិតប្រាកដ ។ជនសង្ស័យទី២មាន​ឈ្មោះហឹម យ៉ាងកី ភេទប្រុសអាយុ៣៧ឆ្នាំ មុខរបរមិនពិតប្រាកដ និងមានទីលំនៅមិនពិតប្រាកដ។

ទី៣មានឈ្មោះ ព្រឿន ស្រីណុច ភេទស្រីអាយុ១៩ឆ្នាំ មុខរបរមិនពិតប្រាកដ និងទីលំនៅមិនពិតប្រាកដ ។ទី៤មានឈ្មោះ អួត ស្រីនិច្ច ភេទស្រីអាយុ២០ឆ្នាំ មុខរបរមិនពិតប្រាកដ និងទីលំនៅមិនពិតប្រាកដ ។សូមបញ្ជាក់ថា?ក្រោយមកសមត្ថកិច្ចយេីងបានរុះរេីខ្ទមនិងដុចកំទេចចោល​ ផងដែរ។បច្ចុប្បន្នជនសង្ស័យទាំង៤នាក់ ត្រូវបានកំលាំងនគរបាល ប៉ុស្តិ៍ចោមចៅទី៣ សួរនាំនិងកសាងសំណុំរឿងរួចរាល់ បញ្ចូនទៅកាន់ផ្នែកជំនាញនៃអធិការដ្ធាននគរបាលខណ្ឌពោធិ៍សែនជ័យ ដើម្បីបន្តតាមនិតិវិធីច្បាប់។