សន្តិសុខសង្គម

កម្លាំងគណះបញ្ជារការឯកភាពខណ្ខដូនពេញចុះត្រួតពិនិត្យរដ្ឋបាលនៅគោលដៅសំខាន់ៗ

ភ្នំពេញ ៖ នៅរសៀលថ្ងៃពុធ ១០កើត ខែកត្ដិក ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី០៦ ខែវិច្ឆិកា ឆ្នាំ២០១៩ វេលាម៉ោង១៦:០០នាទីដល់ម៉ោង១៨:០០នាទី ដោយអនុវត្តតាមបទបញ្ជារបស់លោក សុខ ពេញវុធ អភិបាល នៃគណៈអភិបាលខណ្ឌដូនពេញ អភិបាលរង នៃគណៈអភិបាលខណ្ឌដូនពេញ បានដឹកនាំកម្លាំងគណៈបញ្ជាការឯកភាពខណ្ឌ ចុះត្រួតពិនិត្យរដ្ឋបាលនៅគោលដៅសំខាន់ៗ ដើម្បីធានាបាននូវសន្តិសុខ សណ្ដាប់ធ្នាប់ របៀបរៀបរយសាធារណៈ និងអនាម័យ សម្រាប់ពិធីបុណ្យឯករាជ្យជាតិ ៩ វិច្ឆិកា និងព្រះរាជពិធីបុណ្យអុំទូក បណ្តែតប្រទីប និងសំពះព្រះខែអកអំបុក នាពេលខាងមុខនេះ ដូចខាងក្រោម៖

១-លោក យស យុទ្ធី អភិបាលរង ដឹកនាំចុះពិនិត្យរដ្ឋបាលជុំវិញព្រះបរមរាជវាំង ចាប់ពីផ្លូវលេខ២៤០ ដល់ផ្លូវលេខ១៧៨ ។
២-លោក ម៉ុក ច័ន្ទករុណា អភិបាលរងខណ្ឌ ចុះរៀបចំសណ្តាប់ធ្នាប់ អប់រំអ្នកលក់ដូរចល័តតាមរទេះរុញ ចាប់ពីកំណាត់ផ្លូវឧកញ៉ាស៊ួស្រ៊ុន មហាវិថីព្រះសុរាម្រិត ដល់គល់ស្ពានកោះពេជ្រ បត់តាមផ្លូវថ្មើរជើងកំពង់ចម្លងភ្នំពេញអរីយ៍ក្សត្រ ក្រោយសណ្ឋាគារកាំបូឌីយ៉ាណា រហូតដល់ក្រោយសាលសន្និសីទចតុមុខ បត់ឡេីងផ្លូវលេខ២៤០ រួចចូលក្នុងវត្តបុទុមវតី ។
៣-លោក ចាន់ គន្ថេត អភិបាលរង ដឹកនាំកម្លាំងចុះត្រួតពិនិត្យរដ្ឋបាល ចាប់ពីផ្លូវលេខ១៧៨ វត្តឧណ្ណាលោម ដល់ផ្លូវលេខ១៣០ ។
ក្នុងនោះគណៈបញ្ជាការឯកភាពរដ្ឋបាលខណ្ឌ បានធ្វើការអប់រំ ផ្សព្វផ្សាយ និង ណែនាំដល់បងប្អូនប្រជាពលរដ្ឋ អាជីវករ អ្នកលក់ដូរតាមរទេះ និងកាណូតទេសចរណ៍ រួមមាន៖
- ណែនាំដល់ទូកទេសចរណ៍ចេញពីគោលដៅ ចាប់ពីថ្ងៃទី០៧ ខែវិច្ឆិកា ឆ្នាំ២០១៩ រហូតដល់ចប់ទិវាបុណ្យឯករាជ្យជាតិ ៩ វិច្ឆិកា និង ព្រះរាជពិធីបុណ្យអុំទូក បណ្ដែតប្រទីប និងសំពះព្រះខែអកអំបុក ។
- ណែនាំដល់អ្នកលក់ដូរតាមរទេះរុញឲ្យចាកចេញរកទីតាំងថ្មី ។
- ណែនាំដល់អ្នកលក់ដូរតាមផ្ទះឲ្យធ្វើកិច្ចសន្យារក្សាសោភ័ណ្ឌភាព និងអនាម័យ ។
- ណែនាំដល់ម្ចាស់ការដ្ឋាន និងម្ចាស់ទីតាំងអាជីវកម្ម នៅតាមបណ្តោយផ្លូវស៊ីសុវត្ថិ និងបណ្តោយផ្លូវសុធារស អោយបញ្ឈប់សម្មភាពទាំងស្រុងចាប់ពីថ្ងៃទី៧ ខែវិច្ឆិកា ឆ្នាំ២០១៩ នេះរហូតដល់ចប់ព្រះរាជពិធីបុណ្យអ៊ុំទូក ។
ក្នុងនោះ កម្លាំងយើងបានធ្វើការបាញ់លាងសម្អាត តាមសួនច្បារ ការ៉ូឡា ដងផ្លូវ និងច្រាំងទន្លេ ដើម្បីធានាបាននូវសណ្តាប់ធ្នាប់សាធារណៈ និងអនាម័យល្អប្រសើរ ៕