លោកជំទាវឃួសុុដារីអនុប្រធានកាកបាទក្រហមកម្ពុជានឹងសហការីបាននាំយកទេយ្យវត្ថុនឹងបច្ឆ័យរបស់កាកបាទក្រហមរបស់កម្ពុជាទៅប្រគេនដល់ព្រះសង្ឃគងនៅវត្តប្រជុំនទី(ហៅវត្តក្រពេីហា)

ភ្នំពេញ៖ នៅរសៀលថ្ងៃព្រហស្បតិ៍​ ១១កើត ខែកត្តិក ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី ៧ ខែវិច្ឆិកា ឆ្នាំ២០១៩ នេះ លោកជំទាវ​ ឃួន​ សុដារី​ អនុប្រធានកាកបាទក្រហមកម្ពុជា​

និងលោកជំទាវ​ អ៊ុក​ ម៉ាលី​ អគ្គហេរញ្ញិក​កាកបាទក្រហមកម្ពុជា​ អមដំណើរដោយថ្នាក់ដឹកនាំអគ្គលេខាធិការដ្ឋាន​ និងសហការី​ បានអញ្ជេីញបូជាទៀន​ ធូប​ ផ្កាភ្ញីថ្វាយ​ព្រះរតនត្រ័យ​ ព្រមទាំង​នាំយកទេយ្យវត្ថុ និងបច្ច័យរបស់ កាកបាទក្រហមកម្ពុជា ដែលមាន​ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន ទៅប្រគេនដល់ព្រះសង្ឃគង់នៅវត្តប្រជុំនទី​ (ហៅវត្តក្រពើហា)​ ដែលស្ថិតនៅសង្កាត់ព្រែកឫស្សី​ ក្រុងតាខ្មៅ​ ខេត្តកណ្តាល។

បច្ច័យចំនួន​ ៤០លានរៀល​ និងទេយ្យវត្ថុរួមមាន​ អង្ករ​ ៣តោន​ មី​ ១០០កេស​ ត្រីខ​ ១០កេសធំ​ ទឹកក្រូច​ ៣០កេស​ ទឹកសុទ្ធ​ ៣០កេស​ ទឹកដោះគោខាប់​ ៥កេស​ កាហ្វេហ្គោរូស​ ៣០កញ្ចប់ធំ​ តែ​ ៥គីឡូក្រាម​ និងស្ករស​ ៥០គីឡូក្រាម​ នឹងជួយសម្រាលការលំបាកដល់ព្រះសង្ឃ​ ២៧៤អង្គ​ ដែលគង់នៅក្នុងវត្ត និងកំពុងបំពេញវិជ្ជា​នៅពុទ្ធកវិទ្យាល័យ​ សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ក្រពេីហា​​ សម្រាប់ប្រើប្រាស់ប្រចាំថ្ងៃ​ ក៏ដូចជាការលើកទឹកចិត្ត និងរួមចំណែក​លើកស្ទួយវិស័យព្រះពុទ្ធសាសនា នៅព្រះរាជាណាចក្រកម្ពុជា៕