កំពត៖ ព្រឹកថ្ងៃព្រហស្បតិ៍ ១០រោច ខែកត្តិក ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២១ ខែវិច្ឆិកា ឆ្នាំ២០១៩ រដ្ឋបាលខេត្តកំពតបានរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តនៅបរិវេណវត្តអង្គជុំព្រែទប់ក្នុងឃុំបឹងសាលាខាងជើង ស្រុកកំពង់ត្រាច។ អង្គវេទិកានេះស្ថិតក្រោមអធិបតីភាពឯកឧត្តម ជឹង ផល្លា ប្រធានក្រុមប្រឹក្សាខេត្តកំពត និងឯកឧត្តម ជាវ តាយ អភិបាលនៃគណៈអភិបាលខេត្តកំពត ដោយមានការចូលរួមពីថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋប្រមាណជាង៣០០នាក់។

សូមបញ្ជាក់ថា ក្នុងអង្គវេទិកានេះ ប្រជាពលរដ្ឋបានលើកជាសំណូមពរចំនួន១៣ចំណុច។ ក្នុងនោះត្រូវបានដោះស្រាយភ្លាមៗចំនួនពីរករណី។ ក្រៅពីនេះ ឯកឧត្តមអភិបាលនៃគណៈអភិបាលខេត្តបានតម្រូវឱ្យមន្ត្រីជំនាញសហការជាមួយអាជ្ញាធរស្រុកកំពង់ត្រាចចុះសិក្សារាល់បញ្ហាពាក់ព័ន្ធនឹងសំណូមពរដោយ

កំណត់រយៈពេល១៥ថ្ងៃ រួចរាយការណ៍ជូនក្រុមប្រឹក្សាខេត្ត និងគណៈអភិបាលខេត្តដើម្បីឈានទៅធ្វើការដោះស្រាយ៕