កាលពីរសៀលថ្ងៃទី៥ខែធ្នូម្សិលមិញនេះសម្តេចឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃ បានថ្លែងប្រាប់អ្នកសារព័ត៌មានថា កម្ពុជានឹងធ្វើការឆ្លើយតបទៅសហភាពអឺរ៉ុបជុំវិញបញ្ហា EBA យ៉ាងយូរបំផុតត្រឹមថ្ងៃ១២ ខែធ្នូ ខាងមុខនេះការលើកឡើងបែបនេះបន្ទាប់ពីបញ្ចប់សិក្ខាសាលាជាតិស្ដីពីការរៀបចំផែនការសកម្មភាពនិងថវិកាឆ្នាំ២០២០ នៃគណៈកម្មាធិការសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ។តាមសម្តេច ស ខេង ក្រសួងមហាផ្ទៃបានបញ្ចូនរបាយការណ៍របស់ខ្លួនទៅកាន់ក្រសួងការបរទេសរួចហើយ ខណៈក្រសួងផ្សេងទៀត ដែលមានការពាក់ព័ន្ធក៏ត្រូវបញ្ជូនទៅក្រសួងការបរទេសដែរទាក់ទងទៅនឹងការពិតរបស់កម្ពុជា។
គួរបញ្ជាក់ដែរថា សហគមន៍អឺរ៉ុប(EU) កាលពីថ្ងៃទី១២ខែវិច្ឆិកា ឆ្នាំ២០១៩ បានចេញសេចក្តីថ្លែងការណ៍ជាលើកទី២ ដោយទុករយៈពេលមួយខែឲ្យរដ្ឋាភិបាលកម្ពុជា ធ្វើឆ្លើយតបទៅនឹងរបាយការណ៍របស់សហភាពអឺរ៉ុប ដែលបានលើកឡើងជុំវិញបញ្ហាសិទ្ធិមនុស្ស និងសិទ្ធិការងារនៅក្នុងប្រទេសនេះ មុននឹង EU សម្រេចថាត្រូវព្យួរប្រព័ន្ធអនុគ្រោះពន្ធ EBA ពីកម្ពុជាឬយ៉ាងណា?។ យោងតាមនីតិវិធី ការសម្រេចចិត្តរបស់សហភាពអឺរ៉ុបថាតើនឹងត្រូវព្យួរទាំងស្រុងឬព្យួរផ្នែកខ្លះនូវប្រព័ន្ធអនុគ្រោះពន្ធ EBA ពីកម្ពុជានឹងត្រូវធ្វើឡើងនៅអំឡុងខែកុម្ភៈឆ្នាំ២០២០ខាងមុខនេះ៕
More Stories
ឧកញ៉ា យិន វែងអាន សូមអបអរសាទរជូនចំពោះឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ក្នុងឱកាសដែលត្រូវបានព្រះមហាក្សត្រ ផ្តល់គោរមងារដ៏ឧត្តុង្គឧត្តមបំផុត ជា «សម្តេចមហាបវរធិបតី»
សម្ដេចតេជោ ហ៊ុន សែន អញ្ជើញអបអរសាទរ ខួបលើកទី៤៦ ទិវានៃការចងចាំដំណើរឆ្ពោះទៅរកការផ្តួលរំលំ របបប្រល័យពូជសាសន៍ ប៉ុល ពត (២០ មិថុនា ១៩៧៧-២០ មិថុនា ២០២៣)
សម្ដេចតេជោ ហ៊ុន សែន នឹងសម្ដេចកិត្តិព្រឹទ្ធបណ្ឌិតប៊ុនរ៉ានីហ៊ុនសែនអញ្ជើញជាអធិបតីសម្ភោធជាផ្លូវការអគារមជ្ឈមណ្ឌលពហុឯកទេស «អគារតេជោអភិវឌ្ឍន៍» នៅមន្ទីរពេទ្យកាល់ម៉ែត