ឯកអគ្គរាជទូតជប៉ុន បានជួបសម្តែងការគួរសម និងជម្រាបលា សម្តេចតេជោ ហ៊ុន សែន នាយករដ្ឋមន្រ្តីកម្ពុជា ក្នុងឱកាសបញ្ចប់បេសកកម្មការទូត នៅកម្ពុជា

ឯកអគ្គរាជទូតជប៉ុន បានជួបសម្តែងការគួរសម និងជម្រាបលា សម្តេចតេជោ ហ៊ុន សែន នាយករដ្ឋមន្រ្តីកម្ពុជា ក្នុងឱកាសបញ្ចប់បេសកកម្មការទូត នៅកម្ពុជាបើយោងតាមរយៈហ្វេសប៊ុកផេកផ្លូវការរបស់ Embassy of Japan in Cambodia ស្ថានទូតជប៉ុននៅកម្ពុជា បានបង្ហោះសារមួយកាលពីថ្ងៃទី ១៣ ខែសីហា ឆ្នាំ ២០១៩ នេះបានប្រាប់ឲ្យដឹងថា ឯកអគ្គរាជទូតជប៉ុន បានជួបសម្តែងការគួរសម និងជម្រាបលា សម្តេចតេជោ ហ៊ុន សែន នាយករដ្ឋមន្រ្តីកម្ពុជា ក្នុងឱកាសបញ្ចប់បេសកកម្មការទូតនៅកម្ពុជា។ ខាងក្រោមនេះជាសារ“ថ្ងៃទី១៣ ខែសីហា ឯកឧត្តម ហ៊ីដេហ៊ីសា ហូរីណូអ៊ុជិ ឯកអគ្គរាជទូតជប៉ុន បានជួបសម្តែងការគួរសម និងជម្រាបលា សម្តេចតេជោ ហ៊ុន សែន នាយករដ្ឋមន្រ្តីកម្ពុជា ក្នុងឱកាសបញ្ចប់បេសកកម្មការទូតនៅកម្ពុជា។ឯកឧត្តម ហូរីណូអ៊ុជិ ឯកអគ្គរាជទូតជប៉ុន បានសម្តែងនូវអំណរគុណយ៉ាងជ្រាលជ្រៅចំពោះ សម្តេចតេជោ ហ៊ុន សែន សម្រាប់ការសហការដើម្បីពង្រឹងទំនាក់ទំនងរវាងជប៉ុន និងកម្ពុជា ឲ្យមានការរីកចំរើនគួរឲ្យកត់សម្គាល់លើវិស័យនានាក្នុងអាណត្តិបីឆ្នាំរបស់ឯកឧត្តម ឯកអគ្គរាជទូតនៅកម្ពុជា។ “៕