ទីតាំងលួចបើកសេវាបម្រើផ្លូវភេទ របស់ជនជាតិចិនមួយកន្លែងត្រូវបានសមត្ថកិច្ចបង្ក្រាបនិងឃាត់ខ្លួនមនុស្សប្រុស ស្រីចំនួន៩នាក់!

កំពត៖ ទីតាំងលួចបើកសេវាបម្រើផ្លូវភេទ របស់ជនជាតិចិនមួយកន្លែង នៅក្នុងសង្កាត់ក្រាំងអំពិល ក្រុងកំពត ត្រូវកម្លាំងសមត្ថកិច្ចចុះបង្ក្រាបនិងឃាត់ខ្លួនមនុស្សប្រុស ស្រីចំនួន៩នាក់ នៅយប់ថ្ងៃទី១៩ ខែសីហា ឆ្នាំ២០១៩។

ស្នងការនគរបាលខេត្តកំពត ឲ្យដឹងនៅព្រឹកថ្ងៃទី២០ ខែសីហា ឆ្នាំ២០១៩នេះថា ប្រតិបត្តិការនៅយប់មិញនេះ ស្ថិតក្រោមការសម្របសម្រួលពី ព្រះរាជអាជ្ញារង លោក ខា ដែនណា។

បើតាមលោកឧត្តមសេនីយ៍ស្នងការ ប្រតិបត្តិការនេះ កម្លាំងនគរបាលជំនាញរបស់លោក បានធ្វើការឃាត់ខ្លួនជនជាតិចិនចំនួន៩នាក់ ស្រី៥នាក់ និងវត្ថុតាងខិតផ្សព្វផ្សាយ ព្រមទាំងស្រោមអនាម័យមួយចំនួន។ ក្រោយឃាត់ខ្លួនជនសង្ស័យ ត្រូវបានបញ្ជូនទៅការិយាល័យជំនាញ ដើម្បីចាត់ការបន្ដតាមច្បាប់៕