Fri. Mar 29th, 2024

ប្រធានការិយាល័យសណ្តាប់ធ្នាប់ ខេត្តសៀមរាប បើកដៃឲ្យក្រុមអាជីវករ លក់ដូរលើចិញ្ចើម ផ្លូវសាធារណៈ តាមតែអំពើចិត្ត(មានVIDEO)

ខេត្តសៀមរាប:ប្រភពព័ត៌មានពីប្រជាពលរដ្ឋ បានលើកឡើងថា សមត្ថកិច្ចពាក់ព័ន្ធជាពិសេស នគរបាលដែលទទួលបន្ទុកខាងផ្នែកសណ្ដាប់ធ្នាប់ បានបើកដៃឱ្យក្រុមអាជីវករលក់ដូរលើផ្លូវសាធារណៈ បានដោយសេរី។

ប្រភពខាងលើបានបន្តទៀតថា ជារៀងរាល់យប់គេតែងតែសង្កេតឃើញថា មានក្រុមអាជីវករជាច្រើន ដែលប្រកបមុខរបរលក់ដូរតាមរទេះ ហើយបានយកចិញ្ចឹមផ្លូវធ្វើជាកន្លែងលក់ដូរ ដោយមិនគិតពីការកកស្ទះចរាចរណ៍អ្វីទាំងអស់។

ប្រភពខាងលើបានបញ្ជាក់ទៀតថា ក្រុមអាជីវករដែលលក់ដូរលើចិញ្ចើមផ្លូវ គឺមានទីតាំងនៅត្រង់ចំណុចផ្សារចាស់ គឺនៅក្នុងភូមិបណ្ឌល០១ សង្កាត់ស្វាយដង្កុំ ក្រុងនិងខេត្តសៀមរាប។
សកម្មភាពក្រុមអាជីវករ ដែលលក់ដូរលើចិញ្ចើមផ្លូវខាងលើនេះ ដែរត្រូវបានគេធ្វើការរិះគន់ចំៗ បានធ្វើឲ្យកកស្ទះចរាចរណ៍យ៉ាងពេញបន្ទុក។

ក្រុមអាជីវករលក់ដូរនៅលើចិញ្ចើមផ្លូវសាធារណៈ ដែលលក់នៅតាមផ្លូវបណ្ដោយនៃផ្សារចាស់ ដែលសុំមិនបញ្ចេញឈ្មោះ បានប្រាប់អ្នកយកព័ត៌មានយើងឱ្យដឹងថាបពួកគាត់បានបង់ប្រាក់ឱ្យនគរបាលការពារសណ្ដាប់ធ្នាប់ ក្នុងមួយរទេះលក់គឺមួយខែ៦0000 រៀល ហើយអាជីវករខ្លះទៀតបានឲ្យដឹងដែរថា ពួកគាត់បង់ប្រាក់ចំនួន២០០ដុល្លារហើយគឺលក់បានរហូត។

ប្រភពពីអាជីវករផ្សេងទៀតបាននិយាយថា បើសិនជាមិនបង់ប្រាក់ជូននគរបាលការពារសណ្ដាប់ធ្នាប់ទេនោះ គឺមិនអាចលក់ដូរលើចិញ្ចើមផ្លូវសាធារណះបានទេហើយអាចនឹងត្រូវក្រុមនគរបាលការពារសណ្ដាប់ទាំងនោះ ចាប់រទេះចាក់សោជាមិនខាននោះឡើយ។

ប្រភពចេញពីសមត្ថកិច្ចនគរបាលចរាចរណ៍ជើងគោក សុំមិនបញ្ចេញឈ្មោះ ដែលឈជើងនៅហ្នឹងផ្សារចាស់បានឲ្យដឹងដែរថា ពាក់ព័ន្ធនឹងការលើកឡើងខាងលើនេះ គឺក្រុមអាជីវករពិតជាបានបង់ប្រាក់ ជូនសមត្ថកិច្ចនគរបាលសណ្ដាប់ធ្នាប់ពិតមែន។
ប្រភពដដែរបន្តទៀតថា ក្រុមអាជីវករទាំងនោះហាក់ដូចជាទិញកន្លែងផ្លូវសាធារណៈ ដើម្បីជាកន្លែងលក់ដូរផ្ទាល់របស់ខ្លួន ដោយមិនខ្វល់ពីការកកស្ទះចរាចរនោះឡើយ។

ពាក់ព័ន្ធនឹងការលើកឡើងខាងលើនេះដែរ លោក មាស វណ្ណៈ ប្រធានការិយាល័យនគរបាលសណ្ដាប់ធ្នាប់ ខេត្តសៀមរាបបានប្រាប់តាមទូរស័ព្ទថា ពិតជាមានការលក់ដូរលើចិញ្ចើមផ្លូវមែន ហើយប៉ុន្តែការបង់ប្រាក់ឱ្យជាប្រចាំខែឬប្រចាំថ្ងៃនោះគាត់ពុំបានដឹងនោះទេ។

ទោះបីជាមានការបកស្រាយបែបនេះក្តីក៏ប្រភពច្បាស់ការណ៍ពីក្រុមអាជីវករលក់ដូរបានលើកឡើងដែរថា ពិតជាមានការបង់ប្រាក់ឱ្យមន្ត្រីនគរបាលសណ្ដាប់ធ្នាប់ដែលឈរជើងនៅនឹងទីនោះយ៉ាប់ពិតប្រាកដមែន៕
សូមអញ្ជើញទស្សនានូវវីដេអូដែលមានដូចខាងក្រោម៖

 

 

 

 

You may have missed