អ៉ីតាលីបាត់បង់ប្រជាជនលើសពី១ម៉ឺននាក់ដោយសារ COVID-19 ក្រោយជិត៩០០នាក់ទៀតទើបតែស្លាប់
(រ៉ូម)៖ ចំនួនអ្នកស្លាប់ដោយសារជំងឺ COVID-19 នៅអ៉ីតាលីបានកើនលើសពី១០,០០០នាក់ហើយ គិតចាប់តាំងតែពីជំងឺដ៏កាចសាហាវនេះ បានផ្ទុះឡើងខ្លាំងកាលពីជាង១ខែមុន នៅក្នុងប្រទេសអឺរ៉ុបមួយនេះ។ នេះបើតាមការដកស្រង់ការ ផ្សាយពី សារព័ត៌មាន ស៊ីនហួរ នៅថ្ងៃអាទិត្យ ទី២៩ ខែមីនា ឆ្នាំ២០២០។
អាជ្ញាធរអ៉ីតាលីបានឲ្យដឹងថា គិតត្រឹមថ្ងៃសៅរ៍សប្តាហ៍នេះ តួលេខអ្នកស្លាប់ដោយសារ COVID-19 នៅក្នុងប្រទេសអ៉ីតាលីបាន កើនដល់១០,០២៣នាក់ និងឆ្លង៩២,៤៧២នាក់ បន្ទាប់ពីមានអ្នកស្លាប់ដល់ទៅ៨៨៩នាក់ថែមទៀត រួមជាមួយអ្នកឆ្លងថ្មីចំនួន៥,៩៧៤នាក់ ត្រូវបានរកឃើញ។ ជាមួយគ្នានេះ អ្នកជំងឺ១,៤៣៤នាក់ ក៏ទើបតែបានជាសះស្បើយផងដែរ ដែលធ្វើឲ្យចំនួនអ្នកជាសរុបគឺមាន ១២,៣៨៤នាក់ នៅអ៉ីតាលី។
គួរជម្រាបថា អ៉ីតាលីកំពុងបន្តជាប្រទេសដែលមានអ្នកស្លាប់ច្រើនជាងគេ ដោយសារជំងឺ COVID-19 គិតចាប់តាំងមានការរីករាល ដាលខ្លាំងកាលពីថ្ងៃទី២១ ខែកុម្ភៈ នៅតំបន់ភាគខាងជើងប្រទេសខ្លួន ហើយនាំឲ្យមានការសម្រេចបិទប្រទេសទាំងមូល។ ក៏ប៉ុន្តែ បើគិតពីចំនួនអ្នកឆ្លង គឺចាញ់សហរដ្ឋអាមេរិក ដែលទើបតែបាននាំមុខគេ ជាមួយចំនួនអ្នកឆ្លងសរុបដល់ទៅជាង១២ម៉ឺននាក់៕
More Stories
នាយករដ្ឋមន្ត្រីនៃកុំមិនវែលដូមីនីក បានអញ្ជើញមកដល់កម្ពុជាហើយ ដើម្បីបំពេញទស្សនកិច្ចការងារ រយៈពេល៣ថ្ងៃ
សម្តេចរដ្ឋសភាធិបតី ឃួន សុដារី នឹងអញ្ជើញដឹកនាំគណៈប្រតិភូជាន់ខ្ពស់រដ្ឋសភា ចូលរួមកិច្ចប្រជុំថ្នាក់ដឹកនាំពិភពលោកស្តីពីស្រ្តី នៅសាធារណរដ្ឋប្រជាមានិតចិនចុងសប្តាហ៍នេះ
ឧកញ៉ា យិន វែងអាន សូមអបអរសាទរជូនចំពោះឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ក្នុងឱកាសដែលត្រូវបានព្រះមហាក្សត្រ ផ្តល់គោរមងារដ៏ឧត្តុង្គឧត្តមបំផុត ជា «សម្តេចមហាបវរធិបតី»