ផ្ទុះគ្រាប់បេ១គ្រាប់នៅស្រុកអូរជ្រៅបណ្ដាលឲ្យស្រ្តីម្នាក់ស្លាប់និងរងរបួស៣នាក់ធ្ងន់ស្រាល

ផ្ទុះគ្រាប់បេ១គ្រាប់នៅស្រុកអូរជ្រៅ បណ្តាលឲ្យស្ត្រីម្នាក់ស្លាប់ និងរងរបួស០៣ធ្ងន់ស្រាលនាក់

បន្ទាយមានជ័យ៖ នៅព្រឹកថ្ងៃទី២៧ ខែមេសា​ ឆ្នាំ២០២០ វេលាម៉ោង១១៖០០នាទី​ មានករណីផ្ទុះគ្រាប់បេ១គ្រាប់ នៅភូមិកណ្តាល ឃុំសឹង្ហ ស្រុកអូរជ្រៅ ខេត្តបន្ទាយមានជ័យ បណ្តាលឲ្យរងរបួស០៣នាក់ និងស្លាប់០១នាក់។

មូលហេតុ ជនរងគ្រោះបានបបួលគ្នាមករកបះផ្លែព្រីង​ ហើយបានប្រទះឃើញគ្រាប់នៅលើដំបូក យកមកគប់លេងបណ្តាលអោយផ្ទុះ។ ជនរងគ្រោះ​ទាំងនោះរួមមាន៖
១.ឈ្មោះ ជា សរ ភេទស្រី អាយុ២៥ឆ្នាំ នៅភូមិកំពង់ក្តី​ ឃុំគោកធ្លកលើ ស្រុកជីក្រែង ខេត្តសៀមរាប (ស្លាប់)។
២.ឈ្មោះ ជា ស្រីមួយ ភេទស្រី អាយុ៣៤ឆ្នាំ មានទីលំនៅភូមិកំពង់ក្តី ឃុំគោកធ្លកលើ ស្រុកជីក្រែងខេត្តសៀមរាប​ (រងរបួសស្រាល)។
៣.ឈ្មោះ​ សុខ បញ្ញា ភេទប្រុស អាយុ១២ឆ្នាំ នៅភូមិកំពង់ក្តី ឃុំគោកធ្លកលើ ស្រុកជីក្រែង ខេត្តសៀមរាប​ (រងរបួសធ្ងន់)។
៤.ឈ្មោះ គា សំណាង ភេទប្រុស អាយុ២ឆ្នាំ មានទីលំនៅភូមិកំពង់ក្តី ឃុំគោកធ្លកលើ ស្រុកជីក្រែខេត្តសៀមរាប​ (រងរបួសស្រាល)។

បច្ចុប្បន្នជនរងគ្រោះ ត្រូវបានបញ្ជូនទៅមន្ទីរពេទ្យមណ្ឌលសុខភាពសិង្ហ​ និងមន្ទីរពេទ្យខេត្ត ៕

ប្រភព និងរូបភាពពី៖ ផេកអាជ្ញាធរមីន