រដ្ឋមន្ត្រីក្រសួងយុត្តិធម៌ តែងតាំងលោក ងិន ពេជ ជាព្រះរាជអាជ្ញាខេត្តរតនគិរីស្តីទី បន្ទាប់ពីដកតំណែងលោក ជា ពេជ្រ ព្រោះប្រពន្ធប្តឹងរឿងមានស្រី

(ភ្នំពេញ)៖ ភ្លាមៗ បន្ទាប់ពីដកតំណែងរបស់លោក ជា ពេជ្រ ពីព្រះរាជអាជ្ញា នៃអយ្យការអមសាលាដំបូងខេត្តរតនគិរី ឯកឧត្តម អង្គ វង្សវឌ្ឍានា រដ្ឋមន្ត្រីក្រសួងយុត្តិធម៌ នៅថ្ងៃទី២៥ ខែកក្កដា ឆ្នាំ២០១៩ដដែលនេះ បានសម្រេច តែងតាំងលោក ងិន ពេជ ព្រះរាជអាជ្ញរងអមសាលាដំបូងរាជធានីភ្នំពេញ ឲ្យទៅទទួលតំណែងជា ព្រះរាជអាជ្ញាស្តីទី នៃអយ្យការអមសាលាដំបូងខេត្តរតនគិរី ជំនួសលោក ជា ពេជ្រ។

យោងតាមលិខិតបង្គាប់ការលេខ ០១៣ កយ.បក/១៩ របស់ក្រសួងយុត្តិធម៌ បានសម្រេចតែងតាំងលោក ងិន ពេជ ជាព្រះរាជអាជ្ញាស្តីទី នៃអយ្យការអមសាលាដំបូងខេត្តរតនគិរី រហូតដល់មានការតែងតាំងព្រះរាជអាជ្ញាជាផ្លូវការ៕