ម្នាក់កំពុងរត់គេចខ្លួនម្នាក់ទៀតជាប់ខ្នោះសមត្ថកិច្ចខណ្ឌសែនសុខ!

ភ្នំពេញ ៖ ជនសង្ស័យម្នាក់ក្នុងចំណោមបក្ខពួក២នាក់ត្រូវបានកំលាំងសមត្ថកិច្ចប៉ុស្តិ៍រដ្ឋបាលភ្នំពេញថ្មី ឃាត់ខ្លួនក្រោយពេលដែលពួកគេបានធ្វើសកម្មភាពលួចម៉ូតូជនរងគ្រោះនៅ ចំណុច ក្នុងបរិវេណផ្ទះលេខ២៦៩ ផ្លូវលំ ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ គេចខ្លួនម្នាក់ នៅថ្ងៃច័ន្ទ ១០រោច ខែភទ្របទ ឆ្នាំកុរ ព.ស ២៥៦៣ ត្រូវនិងថ្ងៃទី២២ ខែកញ្ញា ឆ្នាំ២០១៩ វេលាម៉ោង២៣ និង៣០នាទី។

ប្រភពព័ត៌មានពីសមត្ថកិច្ចបានឲ្យដឹងថាបានឃាត់ខ្លួនជនសង្ស័យម្នាក់មាន ឈ្មោះ អុំ ម៉ៅ ភេទប្រុស អាយុ៣២ឆ្នាំ ជនជាតិខ្មែរ មុខរបរគ្មាន ស្នាក់នៅមិនពិតប្រាកដ (មានសារធាតុញៀន) ។

ជនសរងគ្រោះម្នាក់មាន ឈ្មោះ មឿន ស្រីនិច ភេទស្រី អាយុ២៦ឆ្នាំ ជនជាតិខ្មែរ មុខរបរកម្មកររោងចក្រ ស្នាក់នៅផ្ទះលេខ៦៤១១ ផ្លូវ១៩២៨ ភូមិឧញ្ញ៉ាវាំង សង្កាត់ភ្នំពេញថ្មី ខណ្ឌសែនសុខ ។

សម្ភារៈបាត់បង់ ៖ គ្មាន ។

សម្ភារៈបន្សល់ទុក ៖ ម៉ូតួ០១គ្រឿង ម៉ាកស្កុបពី ពណ៍ស ផលិតឆ្នាំ២០១៣ ពាក់ស្លាកលេខភ្នំពេញ1BQ-4065 (ប្រគល់ឲ្យជនរងគ្រោះវិញ) ។

សមត្ថកិច្ចបានបន្តទៀតថា មុនពេលើកើតហេតុ ជនរងគ្រោះបានជិះម៉ូតូចេញពីផ្ទះរបស់ខ្លួន មកលេងផ្ទះប្អូន នៅចំណុចកើតហេតុខាងលើ ដោយបានទុកម៉ូតូនៅក្នុងបរិវេណផ្ទះហើយ ចាក់សោម៉ូតូត្រឹមត្រូវ រួចជនរងគ្រោះបានដើរចូលទៅក្នុងផ្ទះរបស់ប្អូន បានមួយសន្ទុះ ជនរងគ្រោះចេញមកមើលម៉ូតូរបស់ខ្លួន មិនឃើញក៍ផ្អើលឆោឡោ រួចនាំគ្នាដើររកឃើញជនសង្ស័យខាងលើ កំពុងបណ្តើរម៉ូតូរបស់ ហើយជនរងគ្រោះបានហៅជនសង្ស័យសួរនាំ ស្របពេលនោះកម្លាំងល្បាតប៉ុស្តិ៍ភ្នំពេញថ្មី បានធ្វើការល្បាតដល់ចំណុចខាងលើ ឃើញហេតុការណ៍ ក៍បាននាំខ្លួនជនសង្ស័យយកមកធ្វើការសាសួរ នៅអធិការដ្ឋាននគរបាលសែនសុខ ចំណែកបក្ខពួនជនសង្ស័យ ឈ្មោះ ប៉ុង គេចខ្លួន ។

បច្ចុប្បន្ន  ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕