រតនគិរី​ ៖​កម្លាំងនគរបាលជំនាញ ផែនការងារអន្តោប្រវេសន៍ សហការជាមួយ កម្លាំងអធិការដ្ឋាននគរបាលក្រុងបានលុង ខេត្តរតនគិរី បានធ្វើការឃាត់ខ្លួនស្រ្តីជនជាតិវៀតណាមចំនួន ០៣នាក់ ពីបទលួចឆ្លងដែន ចូលមកស្នាក់នៅដោយខុសច្បាប់ នៅថ្ងៃទី១៦ ខែវិច្ឆិកា ឆ្នាំ២០១៩ វេលាម៉ោង ១០និង០០នាទី ។

នគរបាលអន្តោប្រវេសន៍​ បានឲ្យដឹងថា ស្រ្តីជនជាតិវៀតណាមទាំង ០៣នាក់ មានស្រុកកំណើត នៅខេត្តអាងយ៉ាង និងខេត្តតៃនិញ ប្រទេសវៀតណាម ប្រកបមុខរបរ រកសុីម៉ាស្សា នៅភូមិជ័យជំនះ សង្កាត់ឡាបានសៀក ក្រុងបានលុង ខេត្តរតនគិរី។

ស្រ្តីជនជាតិវៀតណាមទាំង ០៣នាក់ ត្រូវបានកម្លាំងនគរបាលជំនាញ ចាប់បញ្ជូនត្រឡប់ទៅប្រទេសវៀតណាមវិញ នារសៀលថ្ងៃដដែល តាមច្រកទ្វារព្រំដែនអន្តរជាតិអូរយ៉ាដាវ ខេត្តរតនគិរី៕