ភ្នំពេញ៖ជនសង្ស័យម្នាក់ ត្រូវបានកម្លាំងសមត្ថកិច្ច នៃការិយាល័យនគរបាល ព្រហ្មទណ្ឌកំរិតស្រាលរាជធានីភ្នំពេញ ស្រាវជ្រាវរហូតឈានដល់ធ្វើការឃាត់ខ្លួនបាន នៅវេលាម៉ោង៨៖០០នាទីយប់ ថ្ងៃទី១៥ ខែវិច្ឆិកា ឆ្នាំ២០១៩ នៅចំណុចម្តុំវត្តនាគវន្ត ផ្លូវរថភ្លើង សង្កាត់បឹងកក់២ ខណ្ឌទួលគោក រាជធានីភ្នំពេញ។

បើតាមរបាយការណ៍ របស់សមត្ថកិច្ច បានឲ្យដឹងថា ការស្រាវជ្រាវរហូតឈានដល់ការឃាត់ខ្លួន ជនសង្ស័យខាងលើនេះ ក្រោយពីជនសង្ស័យ បានធ្វើសកម្មភាពលួចម៉ូតូ១គ្រឿង ម៉ាកហុងដាវ៉េវ ពណ៌ខ្មៅ លេខតួ RLHHC០៨០៣៨Y០២៩២០០ លេខម៉ាស៊ីន HC០៨E-០៨៣៦១៩៦ ពាក់ស្លាកលេខ ភ្នំពេញ ១BM-៦៦១២ ប្រព្រឹត្តនៅចំណុចមុខក្រុមហ៊ុន ម៉ាយ អាយ ទីតាំងលេខ ២B-១J ផ្លូវលំ ភូមិ១២ សង្កាត់វាលវង់ ខណ្ឌ៧មករា រាជធានីភ្នំពេញ កាលពីថ្ងៃទី៣ ខែវិច្ឆិកា ឆ្នាំ២០១៩ កន្លងទៅ។

ជនសង្ស័យឈ្មោះ កែវ រតនៈ ហៅ កយ ភេទប្រុស អាយុ២៧ឆ្នាំ ជនជាតិខ្មែរ មុខរបរអ្នកយកព័ត៌មាន ស្នាក់នៅផ្ទះលេខ៩៩ ផ្លូវរថភ្លើង សង្កាត់បឹងកក់២ ខណ្ឌទួលគោក រាជធានីភ្នំពេញ។

វត្ថុតាងចាប់យក ម៉ូតូម៉ាកហុងដា PCX ពណ៌ ស បិតស្កុតខ្មៅ ឆ្នាំផលិត ២០១៩ លេខតួ លេខម៉ាស៊ីន ១០៥៧២៩៦ ពាក់ស្លាលេខ ភ្នំពេញ ១HW ៤៩៤៤ (ជាមធ្យោបាយជិះធ្វើសកម្មភាព) ម៉ូតូម៉ាក MSX ពណ៌ខ្មៅ ឆ្នាំផលិត២០១៨ លេខតួ០៤២៦៣៦៥ លេខម៉ាស៊ីន ៤២៥៨៨៥ ពាក់ស្លាកលេខ កំពង់ចាម ១P ២១៦៤ និងបណ្ណ័សម្គាល់យានយន្ត ស្លាកលេខ កំពង់ចាម ១P-២១៦២ ចំនួន១សន្លឹក ទូរសព្ទ័ដៃម៉ាក iPhone 7 Plus ពណ៌ផ្កាឈូក ស៊ីមកាតលេខ ០៦៩ ៥១៥០២០ ម្សៅក្រាមពណ៌សថ្លា ចំនួន១កញ្ចប់ ទុយោជ័រសំរាប់ចូកសារធាតុញៀន ចំនួន២ កូនថង់សំរាប់ច្រកសារធាតុញៀន ចំនួន២៥ថង់ បំពង់កែវសំរាប់ជក់សារធាតុញៀនចំនួន១ ប្រអប់ ពណ៌ខ្មៅ ម៉ាក BOSS ចំនួន ១។

ចំណែកជនរងគ្រោះ មានឈ្មោះ ឈួ ហ្គេកលី ភេទស្រី អាយុ២៤ឆ្នាំ ជនជាតិខ្មែរ មុខរបរ បុគ្គលិកក្រុមហ៊ុន ស្នាក់នៅផ្ទះលេខ១៤៣ ផ្លូវលេខ១៦៣ ភូមិ៣ សង្កាត់ទួលទំពូង២ ខណ្ឌចំការមន រាជធានីភ្នំពេញ។

សម្ភារៈបាត់បង់ម៉ូតូម៉ាកហុងដាវ៉េវ ពណ៌ខ្មៅ លេខតួ RLHHC០៨០៣៨Y០២៩២០០ លេខម៉ាស៊ីនHC០៨E-០៨៣៦១៩៦ ពាក់ស្លាកលេខ ភ្នំពេញ១BM៦៦១២។

បច្ចុប្បន្ន ជនសង្ស័យ និងវត្ថុតាងខាងលើ ការិយាល័យកសាងសំណុំរឿង បញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី៕