ចាប់តាំងពីការប្រកួតកីឡាស៊ីហ្គេម ឬ Southeast Asian Games (SEA Games)កម្ពុជាឈ្នះបានមេដាយចំនួន ២១ហើយដែលប្រារព្ធឡើងនៅថ្ងៃទី ៣០ ខែវិច្ឆិកា ឆ្នាំ ២០១៩ នៅពហុកីឡាដ្ឋាន Philippine Area ក្នុងខេត្ត Bulacan ប្រទេសហ្វីលីពីន។កីឡាករនិងកីឡាការិនីខ្មែរបានប្រកួតឈ្នះមេដាយមាសចំនួន១ឲ្យកម្ពុជាសម្រាប់ការប្រកួតកីឡាក្បាច់គុនArnis របស់ហ្វីលីពីនមេដាយប្រាក់ចំនួន៣សម្រាប់កីឡាប្រភេទ Arnis និងកីឡាសីដកឬ Sepak Takraw និងមេដាយសំរិតចំនួន ១៧ សម្រាប់កីឡាប្រភេទ Arnis ។កីឡាករវ័យ១៨ឆ្នាំ យ៉ុង ម៉េងលី បានប្រកួតឈ្នះបានមេដាយមាសឲ្យកម្ពុជាជាលើកដំបូងសម្រាប់ប្រភេទកីឡាក្បាច់គុនហ្វីលីពីន Arnis វិញ្ញាសា Full Contact Padded Stick កាលពីថ្ងៃចន្ទកន្លងទៅនេះ ក្នុងវគ្គផ្តាច់ព្រ័តសម្រាប់កីឡាករបុរសទម្ងន់ ៦០-៦៥ គីឡូក្រាម ដោយឈ្នះគូប្រកួតលោក Valenzuela Billy Joel មកពីប្រទេសហ្វីលីពីន។ កាលពីថ្ងៃអាទិត្យ កីឡាករល្បុក្កតោរូបនេះ ក៏បានឈ្នះមេដាយប្រាក់ឲ្យកម្ពុជា ក្នុងការប្រកួតវគ្គពាក់កណ្តាលផ្តាច់ព្រ័ត្តពីគូប្រកួតមកពីប្រទេសមីយ៉ាន់ម៉ា។មកដល់ពេលនេះ កម្ពុជាឈរក្នុងលំដាប់លេខរៀងទី៨ ក្នុងចំណោមប្រទេសចំនួន ១១ដែលកំពុងចូលរួមការប្រកួតកីឡាស៊ីហ្គេមនេះ ដែលប្រារព្ធធ្វើឡើងរៀងរាល់ពីរឆ្នាំម្តង ដោយនាំមុខប្រទេសប៊្រុយណេ ឡាវ និងទីម័រខាងកើត។
ការប្រកួតកីឡាស៊ីហ្គេមសម្រាប់ឆ្នាំ ២០១៩ នេះ នឹងបញ្ចប់ទៅនៅថ្ងៃទី១១ខែធ្នូខាងមុខនេះ៕
More Stories
លោកអភិបាលខណ្ឌកំបូល ៖ កីឡានាំមកនូវសុខភាព មិត្តភាព សាមគ្គីភាព និងទំនាក់ទំនងល្អ
ផ្ទះប្រជាពលរដ្ធចំនួន៣ខ្នងត្រូវបានអគ្គិភយ័ឆាបឆេះអស់គ្មានសល់!!
លោកផ្កាយ១ស៊ុមសុជាតិរងការរិះគន់ឈូសឆាយដីព្រៃលិចទឹករបស់រដ្ឋនៅចំណុចគោកព្រះជិត១០០០ហិកតា!ក្នុងនោះចៅហ្វាយខេត្តមាន១១៣ហិកតាដែរ!