ប៉ូលិសចាប់វាយខ្នោះស្ត្រីម្នាក់រួមនិងថ្នាំញៀនកន្លះគីឡូក្រាម
ភ្នំពេញ ៖កម្លាំងប៉ុស្តិ៍នគរបាលចាក់អង្រែលេី ធ្វើការឃាត់ខ្លួនស្រ្តីម្នាក់ពាក់ព័ន្ធនឹងករណីជួញដូរនិងរក្សាទុកនៃសារធាតុញៀនដោយខុសច្បាប់ ដកហូតបានថ្នាំញៀន០៣កញ្ចប់ធំ​ ហេតុការណ៍នេះកើតឡើងកាលពីវេលាម៉ោង០១និង៣០នាទី រំលងអាធាត្រ​ ថ្ងៃទី៣០ ខែឧសភា ឆ្នាំ ២០២០​ នៅចំណុចផ្លូវលំ ក្រុម១០ ភូមិព្រែកតាគង់៣ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។

សមត្តកិច្ចបានប្រាប់ថា៖ ស្រ្តីជាជនសង្ស័យមានឈ្មោះផែង សុខខី អាយុ ២៤ឆ្នាំ មុខរបរ អ្នកបោសសំអាតផ្ទះ ស្នាក់នៅផ្ទះគ្មានលេខ ផ្លូវលំភូមិព្រែកតាគង់៣ សង្កាត់ចាក់អង្រែលើ ខណ្ឌមានជ័យ។

លោក​ អ៊ុំ​ រតនា​ នាយប៉ុស្តិ៍ចាក់អង្រែលេីលេីបានប្រាប់ឲ្យដឹងថា មុនពេលកើតហេតុកម្លាំងប៉ុស្តិ៍នគរបាលចាក់អង្រែលេីបានធ្វើកាចុះល្បាតក្នុងមូលដ្ឋានត្រួតពិនិត្យនិងទប់ស្កាត់បទល្មើស លុះមកដល់ចំណុចកើតហេតុគេឃើញស្រ្តីជាជនសង្ស័យនៅឈរតាមផ្លូវកាន់ថ្នាំញៀនជាប់និងដៃចំនួន០៣កញ្ចប់ធំ រួចសមត្ថកិច្ចក៏បានឃាត់ខ្លួនយកមកសាកសួរនៅប៉ុស្តិ៍នគរបាលចាក់អង្រែលេី​ សមត្ថកិច្ចឃាត់ខ្លួនស្រ្តីជាជនសង្ស័យខាងលើពីបទពាក់ព័ន្ធជួញដូរនិងរក្សាទុកនូវសារធាតុញៀនដោយខុសច្បាប់។

បច្ចុប្បន្នស្ត្រីជាជនសង្ស័យរួមនឹងវត្ថុតាងត្រូវបានសមត្ថកិច្ចប៉ុស្ដិ៍នគរបាលចាក់អង្រែលើ កសាងសំណុំរឿងបញ្ជូនទៅកាន់អធិការដ្ឋានខណ្ឌមានជ័យដើម្បីចាត់ការតាមនីតិវិធីច្បាប់
៕យ៉ុនសុខឃីម