អង្គភាពអ្នកនាំពាក្យរាជរដ្ឋាភិបាលរៀបចំសន្និសីទសារព័ត៌មានដែលដឹកនាំដោយឯកឧត្តមផៃសុីផានស្តីអំពីដំណេីរការនិងនីតិវិធីនូវគម្រោងហិរញ្ញប្បទានទ្រទ្រង់សហគ្រាសធុនតូចនិងមធ្យម

អង្គភាពអ្នកនាំពាក្យរាជរដ្ឋាភិបាល រៀបចំសន្និសីទសារព័ត៌មាន ដែលដឹកនាំដោយ ឯកឧត្តម ផៃ ស៊ីផាន ស្ដីអំពីដំណើរការ និងនីតិវិធីនូវគម្រោងហិរញ្ញប្បទានទ្រទ្រង់សហគ្រាសធុនតូច និងមធ្យម (SMEs) ដែលសន្និសីទនេះរៀបចំឡើង ក្នុងគោលបំណងបង្ហាញជូនសាធារណជនឲ្យបានយល់ច្បាស់ អំពីដំណើរការក៏ដូចជា នីតិវិធីពាក់ព័ន្ធនានា នៃគម្រោងហិរញ្ញប្បទានទ្រទ្រង់សហគ្រាសធុនតូច និងមធ្យម ដើម្បីទទួលបានឥណទាន មានការប្រាក់ទាប សម្រាប់ជំរុញបន្ថែម ដល់ការអភិវឌ្ឍសហគ្រាសធុនតូច និងមធ្យមឲ្យមានលទ្ធភាពគ្រប់គ្រាន់ ចូលរួមវិភាគទានដល់ដំណើរការសេដ្ឋកិច្ច បង្កើតការងារ និងចំណូលជាក់ស្តែងរបស់ប្រជាពលរដ្ឋ ដោយបំពេញតម្រូវការក្នុងស្រុក ដែលជាកត្តាស្នូល ដើម្បីលើកកម្ពស់សក្តានុពលសេដ្ឋកិច្ចជាតិ ។សូមជម្រាបជូនថា វាគ្មិនដែលបានអញ្ជើញចូលរួម ក្នុងសន្និសីទនេះ មានតំណាងមកពីក្រសួងសេដ្ឋកិច្ច និងហិរញ្ញវត្ថុ និងតំណាងមកពីធនាគារអភិវឌ្ឍន៍ជនបទ និងកសិកម្ម។