ឯកឧត្តម ហ៊ុន ម៉ានី អ្នកតំណាងរាស្រ្ដមណ្ឌលកំពង់ស្ពឺ អញ្ជើញពិនិត្យស្ថានភាពជំនន់ទឹកភ្លៀង ដែលជន់លេចភូមិឋានផ្ទះសម្បែងប្រជាពលរដ្ឋមួយចំនួននៅតាមបណ្ដា ក្រុងស្រុក នៃខេត្ដកំពង់ស្ពឺ បណ្ដាលមកពីព្យុះទី១៥ លីនហ្វា (LINFA)®
កំពង់ស្ពឺ ÷ នាព្រឹកថៃ្ងពុធ ទី១៤ ខែតុលា ឆ្នាំ២០២០ កងកម្លាំងនគរបាល ស្នងការដ្ឋាននគរបាលខេត្ដកំពង់ស្ពឺ អធិការដ្ឋាននគរបាលស្រុកឧដុង្គ សំរោងទង ដឹកនាំដោយ លោកឧត្ដមសេនីយ៍ត្រី ឯក សាលួត ស្នងការរង ទទួលទិសស្រុកឧដុង្គ បានអមដំណេីរ ឯកឧត្តម ហ៊ុន ម៉ានី អ្នកតំណាងរាស្រ្ដ មណ្ឌលកំពង់ស្ពឺ ក្នុងនោះមានវត្ដមាន ឯកឧត្តម វុី សំណាង អភិបាល នៃគណៈអភិបាលខេត្ដកំពង់ស្ពឺ រួមជាមួយថ្នាក់ដឹកនាំមន្ទីរជុំវិញខេត្ដ កងកម្លាំងប្រដាប់អាវុធ ប្រជាការពារ យុវជនសហភាពសហព័ន្ធយុវជនកម្ពុជា (សសយក) ។
នាឱកាសនេះ ឯកឧត្តម ហ៊ុន ម៉ានី និងឯកឧត្ដម វុី សំណាង បានអញ្ជេីញពិនិត្យផ្ទាល់នៅទំនប់បង្ហៀរទឹកចាន់ថ្នាល ស្ថិតក្នុងឃុំក្រាំងចេក ស្រុកឧដុង្គ ដែលជាទំនប់ទឹកបង្ហៀរមានតួនាទីនិងគុណសម្បត្ដិស្ដុកទឹករដូវប្រាំងវស្សា សម្រាប់ស្រោចស្រពផលដំណាំ ប្រជាកសិ ករនៅផ្នែកខាងលេី នងផ្នែកខាងក្រោមនៃស្រុកសំរោងទង ស្រុកឧដុង្គនិងក្រុងច្បារមន បច្ចុប្បន្នទឹកបានហូរច្រោះមកផ្នែកខាងក្រោមតាមប្រឡាយមេដែលបានជន់លេចផលដំណាំប្រជាកសិករខ្លះជន់លេចផ្ទះពលរដ្ឋខ្លះ ប៉ុន្តែមានលក្ខណៈមិនធ្ងន់ធ្ងរនោះទេ ។ បន្ទាប់ពីរពិនិត្យនៅទំនប់ទឹកចាន់ថ្នាលរួច ឯកឧត្ដម អ្នកតំណាងរាស្រ្ដ បានបន្ដដំណេីរអញ្ជេីញពិនិត្យស្ថានភាពទឹកក្នុងភូមិសាស្រ្ដខេត្ដ និងបានចូលជួបពិភាក្សាការងារនៅរដ្ឋបាលសាលាខេត្ដកំពង់ស្ពឺ ឆ្លៀតឱកាសនោះផងដែរ ឯកឧត្ដម បាននាំមកជាមួយនូវអំណោយជាគ្រឿងឧបភោគបរិភោគ ទឹកបរិសុទ្ធ ភេសជ្ជៈកំប៉ុង ទឹកក្រូចទឹកផ្លែឈើ មួយចំនួនជូនដល់រដ្ឋបាលសាលាខេត្ដកំពង់ស្ពឺ ដេីម្បីមានលទ្ធភាពក្នុងការជួយសង្រ្គោះចែកជូនដល់ប្រជាពលរដ្ឋ ដែលជួបគ្រោះធម្មជាតិលេចទឹក នៃជំនន់ទឹកភ្លៀងរយៈពេលប៉ុន្មានថៃ្ងនេះ៕
More Stories
សម្តេចតេជោ ហ៊ុន សែន អញ្ជើញជួបសំណេះសំណាល និងពិសាបាយសាមគ្គីជាមួយសមាជិកគណបក្សថ្មី អតីតមន្ត្រីថ្នាក់ដឹកនាំ ថ្នាក់រាជធានី ខេត្ត ក្រុង ស្រុក ខណ្ឌ នៃគណបក្សនយោបាយនានា ជាង២ពាន់នាក់
សម្តេចធិបតី ហ៊ុន ម៉ាណែត អំពាវនាវឱ្យប្រជាពលរដ្ឋ ស្ថាប័នថ្នាក់ជាតិ និងក្រោមជាតិគោះជួង និងទូងស្គរព្រមៗគ្នា នៅវេលាម៉ោង ៩:០០ នាទីព្រឹកថ្ងៃទី៥សីហា
ប្រជាពលរដ្ឋខេត្តតាកែវអបអរ សាទរយ៉ាងពេញទំហឹងនូវបទបញ្ជារបស់ឯកឧត្តម បន្ទាប់ពីពលរដ្ឋនៃខេត្តតាកែវទទួលបានអភិបាលថ្មីដឹកនាំ គឺឯកឧត្តម វុី សំណាង