ករណីបន្លំលួចម៉ូតូដោយជនសង្ស័យធ្វេីជាសុំខ្ចីម៉ូតូជិះហេីយក៏ជិះរត់គេចខ្លួនប៉ុន្តែត្រូវសមត្ថកិច្ចបង្រាបបាន

ខេត្តព្រះសីហនុ: សមត្ថកិច្ចឲ្យដឹងថា កាលពីរសៀល ថ្ងៃទី៣ ខែវិច្ឆកា ឆ្នាំ២០២០ នៅចំណុចព្រែកត្របែក ក្នុង​ភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ មានករណី​បន្លំ​លួចម៉ូតូ ដោយជនសង្សយ័ធ្វើជាសុំខ្ចីម៉ូតូជិះ ហើយក៍ជិះរត់គេចខ្លួនប៉ុន្តែត្រូវបាននគរបាលតាមបង្ក្រាបបាន។ ជន​សង្ស័យ​ឈ្មោះ សំ ម៉ៅ ភេទប្រុស អាយុ​៣៤ឆ្នាំ មុខរបរកម្មករសំណង់​ ទីលំនៅភូមិត្រាំសសរ ឃុំត្រាំសសរ ស្រុកត្រាំកក់ ខេត្តតាកែវ បានបន្លំខ្ចីម៉ូតូ០១​គ្រឿង​ម៉ាកស្កូបពីពណ៍​ស ពាក់ស្លាកលេខ​ព្រះសីហនុ​1L-8816​ របស់ ឈ្មោះ​ជន ស្រីអូន​ ភេទស្រី ​អាយុ​១៩ឆ្នាំ ​មុខរបរសិស្ស ហើយក៏ជិះរត់គេចខ្លួនតាមបណ្តោយផ្លូវជាតិលេខ៤ ដល់ចំណុចភូមិត្រពាំងមូល ឃុំជើងគោ ស្រុកព្រៃនប់​ ខេត្តព្រះសីហនុ​ ទើបកម្លាំងនគរបាលស្ទាក់ឃាត់ខ្លួនជនសង្ស័យបានរួមទាំងវត្ថុតាង។
លោកវរសេនីយ៍ឯកហួ យ៉ៃ អធិការនគរបាលស្រុកព្រៃនប់បញ្ជាក់ថា ជនសង្សយ័រូបនេះក៍ធ្លាប់ធ្វើសកម្មភាពលួចម៉ូតូកន្លងមកដែរ ហើយបច្ចុប្បន្ននគរបាលនឹងចាត់ការបន្តបញ្ជូនទៅផ្តន្ទាទោសតាមច្បាប់៕