បែកធ្លាយរឿងទៀតហើយ ពីលោក ឈួន សោភា មេគយចល័តតំបន់ ៥ បុកពលរដ្ឋបាក់ជេីងបោះលុយ ៥០០០ ដុល្លារ បញ្ចប់រឿង ?
បន្ទាយមានជ័យ ៖ ប្រភពច្បាស់ការពីមន្ត្រីគយតំបន់ ៥ បានអោយដឹងថា នៅថ្ងៃទី ២៣ ខែ កញ្ញា ឆ្នាំ ២០២១ កន្លងមកថ្មីៗនេះ មន្ត្រីគយតំបន់ ៥ បានបេីកថយន្ត Lexus RX350 ពណ៌ស ពាក់ស្លាកលេខ 2AU-6806 ភ្នំពេញ ដេញបុកបុរសម្នាក់ បេីកម៉ូតូស្កុបពី ( Scoopy ) អត់ស្លាកលេខដែលមន្ត្រីគយសង្ស័យថាអត់បង់ពន្ធនាំចូល ។
ហេតុការណ៍នេះបានកេីតឡេីងនៅចំណុចជិតអូរកំបុតក្បែរបឹងត្រកួនដែរ បុរសដែលជិះម៉ូតូស្កុបពីត្រូវបានគេរាយការណ៍មកថា បានរងរបួសធ្ងន់បាក់ជេីងខាងឆ្វេង ។
ក្រោយកេីតហេតុ លោក ឈួន សោភា មេគយចល័តតំបន់៥ បានសម្របសម្រួលជាមួយបុរសនោះដោយចេញសងលុយចំនួន ៥០០០ ដុល្លារទៅបុរសនោះដេីម្បីបញ្ចប់រឿង ។
ប៉ុន្តែតាមរយៈ ហ្វេសប៊ុករបស់ឈ្មោះ Bong Long Svay បានបង្ហោះរូបថតគ្រោះថ្នាក់បាក់ជេីង ដោយសរសេរថា ហេតុអ្វីយកជីវិតខ្ញុំមកលេងសេីចម្ល៉េះ ? ចំណែក ហ្វេសប៊ុកឈ្មោះ Chhin Roth Barca បានសរសេរថា សូម និង អ្នកសារព័ត៌មានជួយផង (គយខេត្តបន្ទាយមានជ័យ) សារព័ត៌មានជាច្រើននៅខេត្តបន្ទាយមានជ័យត្រូវបានគេបិទព័ត៌មានករណីនេះ ។ ចំណែកជនរងគ្រោះដែលបង្ហោះ ព័ត៌មាននិងរូបថតរងគ្រោះក៏បានលប់ចេញវិញផងដែរ យេីងមិនអាចសុំការបំភ្លឺពីលោកឈួន សោភា បានទេដោយគ្មានលេខទំនាក់ទំនង ។
- គួរំលឹកផងដែរថា រាល់សកម្មភាពកន្លងមករបស់គយតំបន់ ៥ ក្រោមការដឹកនាំរបស់លោក ឈួន សោភា បានបង្ករបញ្ហាជាច្រេីនជាមួយពលរដ្ឋនៅខេត្ត បន្ទាយមានជ័យ ។
More Stories
សង្ស័យស្រវឹងស្រាបើករថយន្តបុករបាំងថ្មពុះចែកទ្រូងផ្លូវរងការខូចខាតអស់មួយផ្ទាំង
រថយន្ដសាំយ៉ុង បុកជាមួយម៉ូតូ បណ្តាលឲ្យស្លា.ប់បុរសម្នាក់ភ្លាមៗមួយរំពេច
បុរសម្នាក់បើករថយន្ត Toyota Prius មិនប្រយ័ត្នជ្រុលទៅបុកទម្លុះចូលផ្ទះពលរដ្ឋ លក់គ្រឿងភេសជ្ជៈ