ក្មេងស្ទាវពីរក្រុមបើករថយន្តដេញបុកគ្នារះពេញផ្លូវបង្កការភ្ញាក់ផ្អើលបណ្ដាលឲ្យមានមនុស្សចំនួន ៥ នាក់រងរបួសធ្ងន់ស្រាល…

ក្មេងស្ទាវពីរក្រុមបើករថយន្តដេញបុកគ្នារះពេញផ្លូវបង្កការភ្ញាក់ផ្អើលបណ្ដាលឲ្យមានមនុស្សចំនួន ៥ នាក់រងរបួសធ្ងន់ស្រាល…

ខេត្តព្រះសីហនុ)៖ មានករណីក្មេងស្ទាវ២ក្រុម បើករថយន្តដេញបុកគ្នារះពេញផ្លូវ ខណៈមានជម្លោះហិង្សាជាមួយគ្នា។ហេតុការណ៍ភ្ញាក់ផ្អើល នេះបានកើតឡើងនៅវេលាម៉ោង២៣ៈ០០នាទីយប់ថ្ងៃទី១៨ ខែមីនា ឆ្នាំ២០២២ តាមបណ្តោយផ្លូវបេតុងមួយខ្សែ ស្ថិតក្នុងភូមិ២ សង្កាត់៤ ក្រុងព្រះសីហនុ….។

យោងតាមប្រភពព័ត៌មាន ពីកន្លែងកើតហេតុប្រាប់ថា ថ្ងៃខាងលើនេះមុនពេលកើតហេតុបានប្រទះឃើញរថយន្តមួយគ្រឿងម៉ាកព្រុស ពណ៌ទឹកប្រាក់ ពាក់ស្លាកលេខ ភ្នំពេញ2AW-7185 បានបើកបរក្នុងល្បឿនលឿន ទិសដៅពីត្បូងទៅជើង តាមពីក្រោយម៉ូតូមួយគ្រឿង ម៉ាកHonda Dream សេរីឆ្នាំ២០១៥ ពណ៌ខ្មៅ ពុំមានស្លាកលេខ ជិះគ្នា២នាក់។ លុះមកដល់ចំណុចកើតហេតុ ក៏បានបុកពីក្រោយម៉ូតូខាងលើយ៉ាងពេញទំហឹង និងបន្តបុករះរថយន្តមួយគ្រឿងទៀត ម៉ាកNisan ពណ៌ក្រហម ពាក់ស្លាក់លេខកម្ពុជា Nang 7787 រួចបន្តប៉ះម៉ូតូមួយគ្រឿងទៀត ម៉ាកScopy ពណ៌ទឹកប៊ិច ពុំមានស្លាកលេខ ជិះគ្នា២នាក់។ ដោយមិនទាន់អស់ល្បឿន រថយន្តបង្កក៏បន្តបុករះចូលផ្ទះលក់ដូររបស់ពលរដ្ឋក្បែរនោះ បណ្តាលឱ្យរងការខូចខាតយ៉ាងដំណំ និង បណ្តាលឱ្យមនុស្សចំនួន០៥នាក់រងរបួសធ្ងន់ និងស្រាល។ 

តាមចម្លើយសារភាពរបស់មិត្តភក្តិរួមដំណើរក្នុងរថយន្តព្រុសខាងលើ គឺផ្តើមចេញពីរឿងទំនាស់ពាក្យសំដីគ្នា តាមបណ្តាញសង្គមTik Tok រហូតឈានដល់កើតករណីហិង្សា ដោយនៅមុនពេលកើតហេតុភាគីភាគីខាងម៉ូតូ បានយកដំថ្មគប់លើភាគីខាងរថយន្តមុន នៅម្តុំរង្វង់មូលតោពីរ ក្រោយមកពួកគេខឹងសម្បារ ក៏បើករថយន្តដេញតាមពីក្រោយម៉ូតូនោះ រហូតមកដល់កន្លែងកើតហេតុ បានបុកប៉ះពីក្រោយគូទម៉ូតូ និងរថយន្ត និងម៉ូតូពីរគ្រឿងទៀត ដែលឈប់ចតទិញភេជ្ជៈផ្ទះលក់ដូររងគ្រោះខាងលើ។

ក្រោយពេលកើតហេតុ សមត្ថកិច្ចអធិការនគរបាលក្រុងព្រះសីហនុ បានឃាត់ខ្លួនមនុស្សប្រុសស្រីចំនួន០៣នាក់ ដែលជាប់ពាក់ព័ន្ធ និងជាអ្នករួមដំណើរក្នុងរថយន្តព្រុស ដែលធ្វើដំណើរពីភ្នំពេញរួមគ្នា ។ បច្ចុប្បន្ន ជនរងគ្រោះដែលរងរបួសធ្ងន់ស្រាលនៃភាគីខាងម៉ូតូចំនួន០៤នាក់ត្រូវបានសមត្ថកិច្ចបញ្ជូនយកទៅសង្គ្រោះបន្ទាន់ភ្លាមៗ នៅមន្ទីរពេទ្យឯកជន ដោយឡែកវត្ថុតាងម៉ូតូ និងរថយន្តចំនួន០៤គ្រឿងទៀត ត្រូវបានកម្លាំងនគរបាលចរាចរណ៍ ស្ទួចយកទៅរក្សាទុកនៅការិយាល័យនគរបាលចរាចរណ៍ផ្លូវគោកខេត្តព្រះសីហនុរង់ចាំធ្វើការដោយស្រាយបន្តទៅតាមនុតិវិធីច្បាប់ ៕ ដោយ : លោក ផាន់សារឿន IMG_1898IMG_1899 IMG_1896 IMG_1898IMG_1895IMG_1899 IMG_1896 IMG_1897 IMG_1898 IMG_1895 IMG_1893 IMG_1892 IMG_1894 IMG_1898