Fri. Aug 14th, 2020

ប្រជាពលរដ្ឋរិះគន់ លោក កែប កត់ រដ្ឋបាលព្រៃឈើខេត្តរតនគិរីមិនទប់ស្កាត់ និងបង្ក្រាបបទល្មើសព្រៃឈើក្នុងដែនសមត្ថកិច្ចរបស់ខ្លួន

ខេត្តរតនគិរី ៖ ប្រជាពលនៅខេត្តរតនគិរី បាននិយាយបរិហារចំៗ លើមន្ត្រីជំនាញរដ្ឋបាលព្រៃឈើដែលដឹកនាំដោយលោក កែប កត់ ហាក់មិនបានយកចិត្តទុកដាក់អំពីតួនាទី និងភារកិច្ចរបស់ខ្លួនក្នុងការទប់ស្កាត់ និងបង្រ្កាបបទល្មើសព្រៃឈើនោះទេ ក្រៅតែអំពីចាំតែទទួលវត្ថុតាងដែលសម្ថកិច្ចតាមបណ្តាអង្គភាពផ្សេងៗបង្រ្កាបបានតែប៉ុណ្ណោះ ។

ប្រជាពលរដ្ឋបានលើកឡើងជាក់ស្តែងឈើខុសច្បាប់ជាច្រើនកំណាត់ ដែលឈ្មួញកាប់ និងដឹកជញ្ជូនចេញពីដែនព្រៃអភិរក្ស ត្រូវកម្លាំងកងរាជអាវុធហត្ថខេត្តរតនគិរី ចុះបង្ក្រាប និងរឹបអូសបាន ក្រោមបទបញ្ជារបស់លោកឧត្តមសេនីយ៍ត្រី ថាវ យ៉េន​​ មេបញ្ជាការកងរាជអាវុធហត្ថខេត្តរតនគិរីដែលទើបតែចូលកាន់តំណែងថ្មី គ្រាដែលប្រតិបត្តិការបង្ក្រាបឈើនេះ នៅម៉ោងប្រមាណជា២ និង៣០នាទីរំលងអធ្រាត្រ ឈានចូលថ្ងៃទី៣មីនា ឆ្នាំនា២០១៩ ស្ថិតនៅក្នុងភូមិហាត់ប៉ក់ ឃុំហាត់ប៉ក់ ស្រុកវើនសៃ ខេត្តរតនគិរី ។

ឈើដែលរងការបង្ក្រាបនោះជាឈើកកោះ សុទ្ធ ត្រូវបានកម្លាំងអាវុធហត្ថខេត្តដឹកជញ្ជូនយកមករក្សាទុក និងធ្វើកំណត់ហេតុ ប្រគល់ទៅឲ្យខណ្ឌរដ្ឋបាលព្រៃឈើខេត្តរតនគិរីចាត់ការបន្តតាមនីតិវិធីនៃច្បាប់ព្រៃឈើ៕

 

You may have missed