
ភ្នំពេញ ៖ យោងតាមសេចក្ដីសម្រេច ចុះថ្ងៃទី២១ ខែមេសា ឆ្នាំ២០២០នេះ រដ្ឋមន្រ្តីក្រសួងមហាផ្ទៃ សម្ដេចក្រឡាហោម សរ ខេង បានសម្រេចផ្អាកការងារ បណ្ដោះអាសន្ន លោកឧត្ដមសេនីយត្រី ស្រេង សុខា ស្នងការរង នៃស្នងការដ្ឋាន នគរបាលខេត្តកណ្ដាលដោយតម្រូវមកបង្ហាញមុខ នៅនាយកដ្ឋានបុគ្គលិក រៀងរាល់ម៉ោងធ្វើការ ដើម្បីរង់ចាំសេចក្ដីសម្រេចជាថ្មី ។
សូមរំលឹកថា នៅអំឡុងដើមឆ្នាំ២០១៩ លោកផ្កាយ១ ស្រេង សុខា ត្រូវបានអង្គភាពប្រឆាំងអំពើពុករលួយ ធ្វើការស៊ើបអង្កេតទ្រព្យសម្បត្តិ បន្ទាប់ពីលោកផ្កាយ១ ស្រេង សុខា បានសំញែងទ្រព្យសម្បត្តិ ដ៏ច្រើនសន្ធឹកសន្ធាប់ ពេលចូលស្ដីដណ្ដឹងនារីម្នាក់ ។ក្រោយការស៊ើបអង្កេត អង្គភាព ប្រឆាំងអំពើពុករលួយ ពុំរកឃើញភស្តុតាងណាមួយ ដើម្បីដាក់បន្ទុក រហូតឈានដល់ការផ្ដន្ទាទោសលោកផ្កាយ១នេះទេ ដោយហេតុទ្រព្យទាំងនោះ កើនឡើងដោយសារជំនួញដីធ្លី ។
បន្ទាប់មកទៀត លោកផ្កាយ១ ស្រេង សុខា ក៏ត្រូវបាន ឯកឧត្ដម ម៉ៅ ភិរុណ ប្រធានក្រុមប្រឹក្សា ខេត្តកណ្តាល ប្រតិកម្មខ្លាំងៗ ក្រោយទទួលព័ត៌មានថា លោកផ្កាយ១ ស្រេង សុខា បានយកឈ្មោះគាត់ ពីមុនជាអភិបាលខេត្ត ទៅបញ្ជាចៅសង្កាត់រកាខ្ពស់ ស៊ីញ៉េដីរដ្ឋ ជាង៤០ហិកតា ដែលជាការប្រមាថធ្ងន់ធ្ងរ ដល់អំណាច គណៈបញ្ជាការឯកភាពខេត្ត ហើយធ្វើឱ្យមន្ត្រី ថ្នាក់មូលដ្ឋានខ្លាចរអា ។
ភ្លាមៗ លោកផ្កាយ១ ស្រេង សុខា បានធ្វើការ បដិសេធការចោទប្រកាន់ថា លោកមិនបានយកឈ្មោះ ឯកឧត្តម ម៉ៅ ភិរុណ អតីតអភិបាលខេត្តកណ្ដាល ទៅអោយចៅសង្កាត់ រការខ្ពស់ ចុះហត្ថលេខា លេីឯកសារសុំចុះបញ្ជីដីធ្លី ពាក់ព័ន្ធលេីដីរដ្ឋនោះទេ ។
ទន្ទឹមនឹងនេះ ក៏មាន ប្រជាពលរដ្ឋជាច្រើននាក់ បានរួមគ្នាប្ដឹង លោក ស្រេង សុខា ចំពោះបញ្ហា សាងសង់ផ្ទះរំលោភ លើផ្លូវសាធារណៈរបស់រដ្ឋ និងរំលោភលើដីព្រំអ្នកជិតខាងផងដែរ ។ លោកផ្កាយ១ ស្រេង សុខា ក៏មានផ្ទះសំណាក់មួយ នៅខេត្តកណ្ដាល ដែលកន្លងមក សមត្ថកិច្ចបង្ក្រាប បានភ្ញៀវ ដែលជាក្រុមគ្រឿងញៀន និងក្រុមចោរឆក់ នៅទីនោះផងដែរ ។
More Stories
លោក សុំ សុវណ្ណារិទ្ធ មេគយខេត្តព្រះសីហនុ កំពុងត្រូវប៉ាន់ជាមួយទំនិញ គេចពន្ធដែលនាំចូលជាចំហ
អុញនោះបែកធ្លាយ ! ប្រធានស្ថានីយ៍ជញ្ជីងថ្លឹងរថយន្តផ្លូវជាតិលេខ៦Aចំណុចថ្នល់កែង ស្រុកបាធាយ ខេត្តកំពង់ចាម ដែលថ្នាក់លើដាក់ឱ្យមើលសុវត្ថិភាពផ្លូវ បែរជាពង្រីកបក្ខពួកប្រមូលលុយពីរថយន្ដធុនធំដឹកលើសទម្ងន់ទៅវិញ
អត់អីផាកមែន ទើបមកផាក គោយន្តក្នុងវាលស្រែ