ករណីទ្បានកិនមនុស្សស្លាប់យ៉ាងរន្ធត់នៅលេីកំណាត់ផ្លូវជាតិលេខ៥

(ខេត្តបាត់ដំបង) : ករណីឡានកិនមនុស្សស្លាប់យ៉ាងរន្ធត់ នៅលើកំណាត់ផ្លូវជាតិលេខ៥។ ហេតុការណ៍នេះកើតឡើងនៅវេលាម៉ោង ១០.០០នាទី ថ្ងៃព្រហស្បតិ៍​ ៧រោច ខែស្រាពណ៍ ឆ្នាំកុរ ឯកស័ក ព.ស ២៥៦៣,ថ្ងៃ​ទី២២ ខែសីហា ឆ្នាំ​២០១៩​
កើតឡើងនៅចំណុចក្រុមទី០៩ ​ក្នុង​ភូមិ ជំនីក ស្រុកសង្កែ ខេត្តបាត់ដំ​បង រវាង រថយន្តហុីយ៉ាន់ដាយនឹងកង់ ។​

តាមសាក្សីពីកន្លែងកើតហេតុបានអោយដឹងថាឡានដឹកដីម៉ាកហីុយិនដាយស្លាកលេខកំពង់ចាម3A_1607បើបរទិសដៅស្របគ្នាបណ្តាលអោយ​ឡានដែលដឹកដីបត់ឆ្វេងចូលចាក់ដីមិនប្រយ័ត្នក៏បណ្តាលគៀរកង់ជនរងគ្រោះដួុលហើយកិនក្បាលជនរងគ្រោះបណ្តាលអោយបែកក្បាលស្លាប់មួុយរំពេចតែម្តង រីឯអ្នកបេីករថយន្ត ចុះពីរថយន្តគេចខ្លួនបាត់ស្រមោល ។​

សពជនរងគ្រោះមាន​ឈ្មោះ ជួប គីមរ៉ាត់ ភេទស្រី អាយុ៧៥ឆ្នាំ មុខរបរជាមេផ្ទះ រស់នៅភូមិ​ជំនីក ។​
បច្ចុប្បន្ន​បង្ករត្រូវបានយកមករក្សាទុកនៅអធិការដ្ឋាននគរបាលស្រុកសង្កែដើម្បីអោយជនបង្ករចូលខ្លួុនមកដោះស្រាយ រីឯសពត្រូវបានក្រុមគ្រួសារយកទៅធ្វេីបុណ្យតាមប្រពៃណី ។