របាយការណ៍សង្ខេបស្តីពីលទ្ធផលនៃការចុះពិនិត្យនិងវាយត​ម្លៃទូទៅលើ​ការងារបង្កបង្កើនផល​ការចិញ្ចឹមសត្វ​និងវារី​វប្បកម្ម

របាយការណ៍សង្ខេបស្តីពីលទ្ធផលនៃការចុះពិនិត្យនិងវាយតម្លៃទូទៅលើការងារបង្កបង្កើនផលការចិញ្ចឹមសត្វ និងវារីវប្បកម្មដែលខេត្តកំពង់ឆ្នាំងដែលសង្ឃឹមថានឹងអាចសម្រេចបានក្នុងឆ្នាំ២០១៩។
I. ដំណាំស្រូវ
ផែនការការងារកសិកម្មប្រចាំឆ្នាំ២០១៩ សរុបចំនួន ១៦៦ ៣៥៦ហត ដែលក្នុងនោះ៖ ផែនការអនុវត្តកសិកម្មរដូវប្រាំងសរុបចំនួន៣ ៨ ៧០១ហត ផែនការអនុវត្តកសិកម្មរដូវវស្សាសរុប១ ២៧ ៦៥៥ហត។
១.លទ្ធផលការអនុវត្តការដាំដុះដំណាំស្រូវរដូវវស្សាឆ្នាំ២០១៩ គិតត្រឹមថ្ងៃទី២៣ ខែកញ្ញា ឆ្នាំ ២០១៩ លទ្ធផលនៃការអនុវត្តនៃការដាំដុះដំណាំស្រូវរដូវវស្សា ឆ្នាំ២០១៩សម្រេចបានដូចខាងក្រោម៖
ក. ដីភ្ជួរ រាស់បាន សរុបចំនួន ១២៧ ៦៥៥ហត ក្នុងនោះភ្ជួរដោយគោ ក្របីចំនួន ៦៦ហត និងគ្រឿងយន្តចំនួន១២៧ ៥៨៩ហត។
ខ. ការសាបបានចំនួន ៣ ៧៤៨ហត
គ. ការស្ទូងនិងព្រោះបានចំនួន១២៧ ៦៥៥ហត ស្មើន១០៤,៨១%នៃផែនការ ១២១ ៨០០ ហត ដែលក្នុងនោះស្រូវស្រាល ១១៤ ៤៨ហត ស្រូវកណ្តាលបាន ៧២ ៤២១ហត ស្រូវធ្ងន់ ៤៣ ៥៦២ហត និងស្រូវឡើងទឹក ២២៤ហត នឹងទទួលបាននូវទិន្នផលប្រមាណ ២.៨៧២ តោន/ហត បរិមាណផលប្រមាណ ១០ ៣៧២តោន។
២. ការព្យាករណ៍លទ្ធផលការអនុវត្តការដំណាំស្រូវរដូវប្រាំងឆ្នាំ២០១៩-២០២០ ផែនការអនុវត្តលើផ្ទៃដីសរុបចំនួន ៣៨ ៧០១ហត គ្រោងអនុវត្តប្រមាណចំនួន ៣៨ ៧០១ហត ស្មើ១២០,៨០% នៃផែនការ ៣០០ ៣១ហត ទិន្នផលទទួលបានប្រមាណ៤,៦៥៣តោន/ហត បរិមាណផលសរុបអាចទទួលបានប្រមាណ១៨០ ០៥៨តោន។
– ផ្ទៃដីប្រមូលផលសរុបវស្សា និងប្រាំងចំនួន ១៦៦ ៣៥៦ហត
– នឹងទទួលបានទិន្នផលសរុបចំនួន៣,៦០៥តោន/ហត
– បរិមាណផលសរុបចំនួនប្រមាណ ៥៩៩ ៦៩៤តោន
– ទុកពូជ និងបាត់បង់ពេលប្រមូលផល(១៣%)= ៧៧ ៩៦០តោន
– ស្រូវដែលអាចនៅសល់សរុបចំនួន = ៥២១ ៧៣៣តោន
– គិតជាអង្ករសរុបចំនួន(៦៤%)= ៣៣៣ ៩០៩តោន
– តម្រូវការស្បៀងសម្រាបហូប របស់ប្រជាជនក្នុងម្នាក់ ១៤៣គក្រ ក្នុង១ឆ្នាំ។
– តុល្យភាពស្បៀង= គិតជាអង្គរសរុបចំនួន(អតិរេក) ២៤៧ ៨០១តោន
– តុល្យភាពស្បៀង(អតិរេក) គិតជាស្រូវ សរុបចំនួន =៣៨៧ ១៨៩តោន
២.ដំណាំរួមផ្សំ/បន្លែ
ដំណាំរួមផ្សំ អនុវត្តបានសរុបចំនួន ៥ ៦៣៦ហត ក្នុងនោះដំណាំបន្លែមានចំនួន ៤ ១០៦ហត។ ចំពោះដំណាំបន្លែ ប្រជាកសិករផលិតសម្រាប់ផ្គត់ផ្គង់ទីផ្សារក្នុងស្រុកខ្លះ និងនាំចេញទៅរាជធានីភ្នំពេញខ្លះទាំងរដូវប្រាំង (ច្រើន) និងរដូវវស្សារ។
III. ការចិញ្ចឹមសត្វ
១- ការចិញ្ចឹមបក្សី(មាន់ ទា)៖
-មានចំនួន២ ៨៤៨ ៣៥៩ក្បាល មានលទ្ធភាពផ្គត់ផ្គង់ឲ្យទីផ្សារក្នុងស្រុកចំនួន១ ៩៩៣ ៨៥២ក្បាល និងផ្តល់ស៊ុតចំនួន៣០ ១៩៥ ០០០គ្រាប់ក្នុង១ឆ្នាំ។
២- ការចិញ្ចឹមជ្រូក៖
-មានចំនួន២៥៨ ៣១១ក្បាល មានលទ្ធភាពផ្គត់ផ្គង់ឲ្យទីផ្សារក្នុងស្រុកចំនួន២០៦ ៦៤៨ ក្បាលគិតជាសាច់១១ ៥៧២តោន។
៣- ការចិញ្ចឹមគោ៖
-មានចំនួន១៩៨ ៨៧៥ក្បាល មានលទ្ធភាពផ្គត់ផ្គង់ឲ្យទីផ្សារក្នុងស្រុក ចំនួន១៧៨ ៩៨៧ ក្បាល គិតជាសាច់ ២១ ៤៧៨តោន
៤- ការចិញ្ចឹមត្រី
ការងារជលផល ពីការធ្វើវារីវប្បកម្ម អាចទទួលបានចំនួន ២ ៤២០តោន ដែលក្នុងនោះមាន៖
• ការចិញ្ចឹមត្រីក្នុងបែចំនួន ១ ៤៧៥តោន
• ការចិញ្ចឹមត្រីក្នុងស្រះចំនួន ៩៤៥តោន
រួមមានត្រីប្រា ត្រីពោធ ត្រីឆ្ដោ ត្រីសណ្ដាយ ត្រីឆ្ពិនសម្រាប់ផ្គត់ផ្គង់ឲ្យទីផ្សារក្នុងស្រុកខ្លះ និងនាំ ចេញទៅរាជធានីភ្នំពេញ៕ដោយ៖សហការី