ព័ត៌មានសំខាន់ៗ

ព្រឹទ្ធសភានឹងបេីកកិច្ចប្រជុំពិភាក្សាលេីរបៀបវារះមួយចំនួននៅថ្ងៃ១៥ខែវិឆ្ឆិកាខាងមុខនេះ

ភ្នំពេញ ៖ ប្រសិនបើគ្មានការប្រែប្រួលទេ គណៈកម្មាធិការព្រឹទ្ធសភា នៃព្រះរាជាណាចក្រកម្ពុជានឹងបើកកិច្ចប្រជុំមួយដើម្បីពិភាក្សាលើរបៀវារៈមួយចំនួន នៅរសៀលថ្ងៃទី១៥ ខែ វិច្ឆិកា ឆ្នាំ២០១៩នេះក្រោយពីរដ្ឋសភាបានសម្រេចអនុម័តទាំងស្រុង កាលពី កន្លងទៅថ្មីៗនេះ។

យោងតាមសេចក្តីជូនដំណឹងរបស់គណៈកម្មាធិការព្រឹទ្ធសភា ដែលបានចេញ នាព្រឹកថ្ងៃ ទី១៣ ខែ វិច្ឆិកា ឆ្នាំ២០១៩នេះ បានឲ្យដឹងថា គណៈកម្មាធិការនឹងបើកកិច្ចប្រជុំពិនិត្យ និង សម្រេចលើសំណើរបស់គណៈកម្មាធិការទី៤ ព្រឹទ្ធសភា សុំដាក់សេចក្តីព្រាងច្បាប់ ស្តីពីការអនុម័តយល់ព្រមលើសន្ធិសញ្ញា បំពេញបន្ថែមលើសន្ធិសញ្ញាកំណត់ព្រំដែនរដ្ឋ ឆ្នាំ១៩៨៥ និងសន្ធិ សញ្ញាបំពេញបន្ថែមឆ្នាំ២០០៥រវាងប្រទេសកម្ពុជា និងវៀតណាម ទៅក្នុងរបៀបវារៈនៃសម័យ ប្រជុំលើកទី៤នីតិកាលទី៤។

ពិនិត្យ និងសម្រេចលើសំណើរ របស់គណៈកម្មាធិការទី២ព្រឹទ្ធសភាសុំដាក់សេចក្តីព្រាង ច្បាប់ស្តីពីការអនុម័តយល់ព្រមលើកិច្ចព្រមព្រៀងរវាងរាជរដ្ឋាភិបាល នៃប្រទេសកម្ពុជា និងរដ្ឋាភិបាលនៃតំបន់រដ្ឋបាលពិសេសហុងកុង នៃសាធារណរដ្ឋប្រជាមានិតចិន ស្តីពីការជៀសវាង ការយកពន្ធត្រួតគ្នា និងការបង្ការកិបកេងបន្លំពន្ធ ពាក់ព័ន្ធនឹងពន្ធលើប្រាក់ចំណូល ទៅក្នុងរបៀបនៃសម័យប្រជុំលើកទី៤នីតិកាលទី៤។

គណៈកម្មាធិការក៏នឹងប្រជុំពិនិត្យនិងសម្រេចលើសំណើរបស់គណៈកម្មាធិការទី២ព្រឹទ្ធ សភា សុំដាក់សេចក្តីព្រាងច្បាប់ស្តីពី ការអនុម័តយល់ព្រមលើពិធីសារទី២ ស្តីពីការកំណត់ច្រក ទ្វាព្រំដែនឆ្លងកាត់នៃកិច្ចព្រមព្រៀងក្របខណ្ឌអាស៊ាន ស្តីពីកិច្ចសម្របសម្រួលការដឹកជញ្ជូនទំនិញឆ្លងកាត់ទៅរបៀបវារៈនៃសម័យប្រជុំលើកទី៤នីតិកាលទី៤។

ពិនិត្យ និងសម្រេចលើសំណើរបស់គណៈកម្មាធិការទី៩ព្រឹទ្ធសភា សុំដាក់សេចក្តីព្រាងច្បាប់ស្តីពី ការអនុម័តយល់ព្រមលើកិច្ចព្រមព្រៀងអាស៊ាន ស្តីពីពាណិជ្ជកម្មតាមប្រព័ន្ធអេឡិច ត្រូនិចទៅរបៀបវារៈនៃសម័យប្រជុំលើកទី៤នីតិកាលទី៤។

បើតាមសេចក្តីជូនដំណឹង បានឲ្យដឹងទៀតថា កិច្ចប្រជុំនាពេលខាងមុខនេះ ក៏នឹងពិនិត្យ និងសម្រេចលើសំណើរបស់គណៈកម្មាធិការទី៣ព្រឹទ្ធសភា សុំដាក់សេចក្តីព្រាងច្បាប់ស្តីពី ការ អនុម័តយល់ព្រមឲ្យព្រះរាជាណាចក្រកម្ពុជាចូលជាសមាជិក នៃកិច្ចព្រមព្រៀងក្របខ័ណ្ឌស្តីពី ការបង្កើតសម្ព័ន្ធ ភាពថាមពលព្រះអាទិត្យ អន្តរជាតិទៅក្នុងរបៀបវារៈនៃសម័យប្រជុំលើកទី៤នីតិកាលទី៤ផងដែរ៕