ឧត្តរមានជ័យ ៖ ​រថយន្តមួយគ្រឿងពាក់ផ្លាកលេខ កំពង់ធំ3A2194ប្រភេទយីឌុបដែលដឹកជញ្ជូនផលអនុផលព្រៃឈើ(វល្លិ៍ផ្តៅ)បំរុងឆ្លងដែនចូលទៅប្រទេសថៃនោះត្រូវបានកម្លាំងPM និ​ងម​ន្ត្រីជំនាញសង្កាត់រដ្ឋបាលព្រៃឈើស្រុកអន្លង់វែងបង្ក្រាបបាននៅព្រឹកថ្ងៃទី១៤ ខែវិច្ឆិកា ឆ្នាំ​២០១៩ ជិតច្រកទ្វារអន្តរជាតិជាំសាងាំស្ថិត ភូមិជើងភ្នំ ឃុំត្រពាំងប្រីយ៍ ដោយឃាត់ខ្លួនតៃកុងឡានដើម្បីសួរនាំ។

បើ​តាមអោយដឹងពីសមត្ថកិច្ចថា រថយន្តខាងលើបានដឹកជញ្ជូនវល្លិ៍ផ្តៅឆ្លងដែនច្រើនដងមកហើយដោយ មានឈ្មោះ លោកវរៈសេនីយ៍ត្រី ពៅ ងួនលីម និង លោកវរៈសេនីយ៍ត្រី រុន ថាវរិន្ទ(ហៅអូន)អ្នកទាំង ពីរមានតួនាទីជាមេបញ្ជារការរងយោធាវរៈសេនាតូចការពារព្រំដែនលេខ៤០៣ និង ឈ្មោះ លី ណា ជាមន្ត្រី នគរបាលប្រចាំទ្វារខាងលើ។ អ្នកទាំងបីសហការគ្នាមើលផ្លូវចាំកាង និងចាយលុយក្រោមតុបើមានស្ថាប័នណាឃាត់ឃាំងនោះ ដោយក្រុមឈ្មួញអោយលុយថ្លៃកាងរត់ការផ្លូវម្តងៗបីលានទៅបួនលានរៀល(៣០០០០០០រៀល ទៅ៤០០០០០០រៀល) សម្រាប់មួយស្រុកអន្លង់វែងរហូតដល់ច្រកទ្វារឆ្លងដែន។
មហាជនបានរិះគន់ចំៗថា ការធ្វើអាជីវកម្មលើផលអនុផលព្រៃឈើឆ្លងដែនទៅបរទេសជាអំពើខុសច្បាប់បែរជាមានមន្រ្តីនគរបាល និងយោធាសុទ្ធតែថ្នាក់វរៈសេនីយ៍ជាអ្នកចាំកាងទៅវិញ។

ជុំវិញការចោទប្រកាន់ខាងលើក្រុមការងារយើងមិនអាចសុំការបំភ្លឺពីលោកវរៈសេនីយ៍ត្រី ពៅ ងួនលីម មេ បញ្ជារការរងយោធាវរៈសេនាតូចការពារព្រំដែនលេខ៤០៣ និង ឈ្មោះ លី ណា មន្ត្រីនគរបាលច្រកទ្វាអន្តរជាតិជាំសាងាំបានទេ ដោយទូរស័ព្ទខលចូលជាច្រើនដងគ្មានអ្នកទទួល។

ចំណែកលោកវរៈសេនីយ៍ត្រី រុន ថាវរិន្ទ(ហៅអូន)បាន បដិសេធថាលោកមិនបានរត់ការរឿងនោះឡើយ៕