ភ្នំពេញ៖ បុរសម្នាក់មិនដឹងផឹកស៊ីស្រវឹងមកពី ណា ជិះម៉ូតូហុងដាឌ្រីមមួយគ្រឿង លឿនចុះពីស្ពានជ្រោយចង្វារកម្ពុជា-ជប៉ុន ត្រង់ទៅបុកឡើងសួនរង្វង់មូលតាព្រហ្ម សន្លប់ស្តូក និងរបួសក្បាលធ្ងន់ធ្ងរ ត្រូវបានសមត្ថកិច្ចនគរបាលដែលប្រចាំការនៅទីនោះ ជួយអន្តរាគមន៍ និងហៅរថយន្តសាមុយមកដឹកទៅសង្គ្រោះ ។

ហេតុការណ៍នេះបានកើតឡើងកាលពីវេលាម៉ោង១១ និង​៣០នាទីយប់ថ្ងៃទី ១៨ខែវិច្ឆិកាឆ្នាំ២០១៩ ត្រង់ចំណុច រង្វង់មូលតាព្រហ្មជ្រោយចង្វារ ក្នុងសង្កាត់ជ្រោយចង្វារ ខណ្ឌជ្រោយចង្វារ។

តាមប្រភពព័ត៌មានពីកន្លែងកើតហេតុបានឲ្យដឹងថានៅមុនពេលកើតហេតុគេឃើញជនរងគ្រោះ ជិះម៉ូតូមួយគ្រឿងម៉ាក ហុងដារឌ្រីមសង់ស៊េរី ឆ្នាំ២០១៣ពណ៌ខ្មៅ ស្លាកលេខភ្នំពេញ1BQ-465 ក្នុងទិសដៅ​ពីលិចទៅកេីត​ ចុះពីលើស្ពានជ្រោយចង្វាយ៉ាងលឿន​ ត្រង់ទៅ​បុក​ ឡេីងសួនរង្វង់មូល​ តាព្រហ្ម​ សន្លប់ស្តូក និងរបួសក្បាលធ្ងន់ធ្ងរ ត្រូវបានសមត្ថកិច្ចនគរបាលដែលប្រចាំការនៅទីនោះ ជួយអន្តរាគមន៍ និងហៅរថយន្តសាមុយមកដឹកទៅសង្គ្រោះ ។

ក្រោយពេលកើតហេតុនគរបាលដែលប្រចាំការ​ នៅរង្វង់មូល​តាព្រហ្ម​ បាន​ពិនិត្យនៅលើខ្លួនជនរងគ្រោះឃើញមានទូរស័ព្ទចំនួន៤​ គ្រឿងនិងលុយជាង១០​ម៉ឺន៛ហើយ​ ក្រោយពីបញ្ចូនជនរងគ្រោះ​ឡេីងរថយន្តសាមុយរួចចរាល់សមត្ថកិច្ចបានយកកទ្រព្យសម្បត្តិរបស់ជនរងគ្រោះរួមទាំងម៉ូតូ​យក​ ទៅរក្សាទុកនិងដើម្បីរង់ចាំក្រុមគ្រួសារនិងសាច់ញាតិយកឯកសារពាក់ពន្ធ័មកបញ្ជាក់​ ទេីបសមត្ថកិច្ចនឹងប្រគល់ឲ្យវិញ។