ខេត្តមណ្ឌលគិរី÷ យោងតាមប្រភពព័ត៍មានដែលអង្គភាពយើងខ្ញុំបានដឹងមកថា ក្នុងរយះពេលកន្លងមកដែល លោក សៀក មុន្នី  ចៅហ្វាយស្រុកអូររាំងទើបនឹងឡើងកាន់តំណែងថ្មីៗនេះ ក្នុងស្រុកអូររាំងទាំងមូលពោពេញទៅដោយរឿងអាស្រូវជាច្រើនមិនចេះចប់ ពីបញ្ហារំលោភទន្ទ្រានយកដីរបស់រដ្ឋមកធ្វើជាកម្មសិទ្ធរបស់ខ្លួន។

ជាក់ស្តែងរយះពេលថ្មីៗនេះដែរអង្គភាពសារព័ត៍មានមហាហង្សបានទទួលព័ត៍មានយ៉ាងច្បាស់ថា÷សព្វថ្ងៃនេះ លោក សៀក មុន្នី ចៅហ្វាយស្រុកអូររាំងបាននឹងកំពុងប្រើប្រាស់មន្ត្រីក្រោមឱវាទរបស់ខ្លួនអោយឈរឈ្មោះកាន់កាប់នឹងប្រើប្រាស់ដីធ្លីរបស់រដ្ឋជាច្រើនកន្លែង។ ដូចជាបញ្ជាអោយកូនចៅរបស់ខ្លួនចុះរៀបចំដីធ្លីរបស់រដ្ឋអោយស្របច្បាប់ដើម្បីលក់បន្តអោយឈ្មួញ រីឯបញ្ហាមន្ត្រីសាលាស្រុកអូររាំងចំនួន3រូបនិងមន្ត្រីពន្ធនាគាខេត្តមណ្ឌលគិរី1នាក់ ដែល លោក សៀក មុន្នីហៅអោយមកឈរឈ្មោះលើដីរដ្ឋនោះរួមមានដូចខាងក្រោម ÷

ទី1/លោក សុខ សុវណ្ណរិទ្ធ តួនាទីជានាយករងរដ្ឋបាលសាលាអូររាំង

ទី2/ លោក យាន សុខជា តួរនាទីជាប្រធានការិល័យស្រុកអូររាំង

ទី3/ លោក សាលី ប៉ោ តួរនាទីមន្ត្រីសាលាស្រុកអូររាំង

ទី4/លោក ង៉ែត ធឿន តួរនាទីមន្ត្រីពន្ធនាគាខេត្ត

តើមន្ត្រីរបស់សាលាស្រុកអូររាំងទាំងបីរូបនឹងមន្ត្រីពន្ធនាគាមួយរូបដែលបានរៀបរាប់មកពីខាងលើពួកគាត់មានសិទ្ធិកានកាប់ដីធ្លីរបស់រដ្ឋដែលមិនមានទំហំច្បាស់លាស់នោះដែរឬទេ? ម្យ៉ាងវិញទៀតអ្វីដែលសំខាន់នោះ ហេតុអ្វី លោក សៀក មុន្នី ចៅហ្វាយស្រុកអូររាំង លោកត្រូវបានប្រថាប់ត្រាទៅលើឯកសារដីធ្លីរបស់មន្ត្រីទាំងនោះដោយមិនមានមូលដ្ឋាននិងទំហំច្បាស់លាស់?  តើមានការទទួលស្គាល់ពីភូមិឃុំស្របគ្នាដែរទេ?

បើនិយាយអោយស្រួលស្តាប់ទៅ គឺថាលោក សៀក មុន្នី បានបោះត្រាជាមុនសិនទើបបញ្ជូនទៅអោយមេឃុំ មេភូមិជាក្រោយ ស្មើរនឹងការបញ្ជាទៅលើមេឃុំ .ស្មៀនឃុំ .មេភូមិ អោយធ្វើកិច្ចកាទាំងនោះ ពួកគាត់ពុំហ៊ានជំទាស់នោះឡើយដោយយោងឃើញស្រុកបានបោះត្រាហើយនោះ។

ជុំវិញបញ្ហាខាងលើនេះ គឺមានតែសំណូមពរដល់ លោក ស្វាយ សំអ៊ាង អភិបាលនៃគណៈអភិបាលខេត្តមណ្ឌលគិរីជា ពិសេសសម្តេចក្រឡាហោម ស ខេង មេត្តាជួយពិនិត្យ នឹងបើកការស៊ីបអង្កេតទៅលើលោក សៀក មុន្នី ចៅហ្វាយអូររាំងផងទាន តើការពិតជាក់ស្តែងយ៉ាងណា។

អង្គភាពសារព័ត៍មានមហាហង្សយើងរង់ចាំការបំភ្លឺបកស្រាយរៀងរាល់ម៉ោងធ្វើការ តាមរយះលេខទូរសព្ទ័ 092 700 688 /097 4444 847 សូមទ្រង់ ឯកឧត្តមចូលរួមតាមដានរាល់ព័ត៍មានបន្ថែមទៀតនៅលេខក្រោយៗបន្ត៕