ករណីគ្រោះថ្នាក់ចរាចរណ៌រវាងរថយន្តនិងម៉ូតូបណ្ដាលឲ្យស្លាប់បុរសម្នាក់អ្នកបេីកបរម៉ូតូនៅនឹងកន្លែងកេីតហេតុ

ស្រុកព្រៃនប់- នៅយប់រំលងអាធ្រាត្រឆ្លងចូលថ្ងៃទី២៣មករា ២០២១ វេលាម៉ោង ១:៤០នាទី មានគ្រោះថ្នាក់ចរាចរណ៍រវាងរថយន្តនិងម៉ូតូ លើផ្លូវជាតិលេខ៣ ចន្លោះបង្គោលគីឡូម៉ែត្រលេខ ១៩៩-២០០ ភូមិបឹងវែង ឃុំវាលរេញ ស្រុកព្រៃនប់ ខេត្តព្រះសីហនុ បណ្តាលឲ្យបុរសម្នាក់ អ្នកបើកបរម៉ូតូស្លាប់នៅនឹងកន្លែងកើតហេតុ។ របាយការណ៍ពីសមត្ថកិច្ចឲ្យដឹងថាម៉ូតូ ម៉ាក HONDA-DREAM ពណ៌ខ្មៅ ពាក់ផ្លាកលេខព្រះសីហនុ 1G-4671 បើកបរទិសដៅពីខេត្តកំពតឆ្ពោះទៅស្រុកព្រៃនប់ ដែលតាមសមត្ថកិច្ចបញ្ជាក់ថា មកដល់ចំណុចខាងលើ អ្នកបើកបរម៉ូតូ ជ្រុលចូលមកចំណែកផ្លូវខាងឆ្វេង ក៍បានបុកប៉ះជាមួយរថយន្ត ម៉ាក MASDA PICK UP ពណ៌ស ពាក់ផ្លាកលេខភ្នំពេញ 2BI-7509 បើកបរទិសដៅពីផ្ទុយគ្នា បណ្តាលឲ្យអ្នកបើកបរម៉ូតូ(មិនទាន់ស្គាល់ឈ្មោះ) ស្លាប់នៅនឹងកន្លែងកើតហេតុ ។ សាកសពកំពុងស្រាវជ្រាវរកក្រុមគ្រួសារយកទៅធ្វើបុណ្យតាមប្រពៃណីយ៍ រីឯវត្ថុតាងរថយន្ត និងម៉ូតូ យកមករក្សាទុកនៅអធិការដ្ឋាននគរបាលស្រុកព្រៃនប់។
ដោយឡែកអ្នកបើកបររថយន្ត បានរត់គេចខ្លួនបាត់ក្រោយពេលកើតហេតុ៕